Artisti nga Lugina, Nagip Tashi nderon Leze Qenën në mënyrë të veçantë!

Skulptori Nagip Tashi e ka nderuar në mënyrën e tij artisten e ndjerë, Leze Qena.

“Këtë mozaik, të punuar me shumë dashuri në dru, ia dedikoj të gjithë kolegëve të saj aktor, regjisor e skenarist të teatrit dhe filmit, me të cilët ka bashkëpunuar gjithë jetën e sajë artistike”, shkruan ai në Facebook, në përshkrimin të cilin ia ka bashkëngjitur fotografisë së këtij mozaiku.

Leze Qena vdiq javën që shkoi, në moshën 85-vjeçare. Karriera e saj shtrihej në gjashtë dekada dhe përfshin role të shumta në teatër, televizion dhe film.

Vlen të theksohet se artisti në fjalë është nga Tërnoci i Madh i komunës së Bujanocit, tashmë i njohur në hapësirat shqiptare për mënyrën e veçantë të punimeve artistike në dru, të disa prej figurave të shquara të kombit shqiptar.