Pas heqjes së masave të jashtëzakonshme, Biblioteka e Qytetit ‘’Mehmet Jusufi’’, ka filluar me punë me orar të plotë. Por si obligim nga ana e lexuesve do të jetë që me vete të kenë maska mbrojtëse dhe dorëza, si dhe të ruajnë distancën prej 1,5 m.
Në hapësirat e bibliotekës janë vendosur edhe materialet udhëzuese se si duhet të sillen palët gjatë frekuentimit të këtij institucioni.
Po ashtu në bibliotekën qendër në Preshevë (në çdo sektorë), nëndega Leran, Miratoc, Rahovicë dhe Raincë është vendosur qelq në tavolinat e punës për të shmangur kontaktin me lexuesit.
Këto masa janë detyrim për bibliotekën e qytetit pas rekomandimeve marrë nga biblioteka qendër në Beograd e Vranjë, por dhe institucionet përgjegjëse për Pandeminë.
Në hyrje të bibliotekës tashmë është vendosur dezinfektues, por edhe në hapësirat ku lexuesit kryejnë shërbimet e tyre.
Edhe gjatë kohës së pandemisë biblioteka ka ofruar shërbime lexuesve, por duke i qëndruar strikt rekomandimeve të ekspertëve shëndetësorë, shtabit komunal për situata të jashtëzakonshme.
Hapësirat e bibliotekës vazhdimisht janë duke u dezinfektuar siç e kërkojnë udhëzimet nga ekspertët e shëndetësisë.
No Comment