Bombola e gazit u merr jetën tre fëmijëve në Rramanli të Kumanovës

Ngjarje e rëndë ka ndodhur mëngjesin e sotëm në fshatin Ramanli të Kumanovës. Sipas informacioneve zyrtare të Ministrisë së Punëve të Brendshme të Maqedonisë së Veriut, nga eksplodimi i një bombole të gazit që ka ndodhur në një shtëpi, tre fëmijë kanë humbur jetën ndërsa edhe 6 familjarë tjerë janë të lënduar. Sipas këtyre informacioneve dëshmitarët okular kanë thënë se zjarri është shkaktuar nga shpërthimi i një bombole gazi. Rastin e kanë konfirmuar nga policia e Kumanovës. Ndërkohë, nga Spitali i Kumanovës kanë njoftuar se 6 personat me djegie të rënda, për shkak të seriozitetit të plagëve janë nisur drejtë Qendrës Klinike në Shkup. Aktualisht një prokuror dhe një ekip i policisë po kryejnë inspektime në terren.