Ministri në detyrë i Punëve të Jashtme i Shqipërisë Gent Cakaj tha të mërkurën se një nga përparësitë e Shqipërisë dhe Kosovës është hartimi i një Plani të Veprimit për ndihmë gjithëpërfshirëse për shqiptarët në jug të Serbisë.
Ai tha se nisma për pjesëmarrjen e unifikuar të shqiptarëve në zgjedhjet e ardhshme parlamentare në Serbi më 21 qershor nuk do të jetë e vetmja, por se puna për përmirësimin e pozitës së shqiptarëve në Luginën e Preshevës, do të vazhdojë.
Pas takimit me drejtuesit e partive që u mblodhën në listën e përbashkët zgjedhore, Cakaj tha se ai do të bashkëpunojë me faktorin ndërkombëtar në zgjidhjen e papunësisë dhe pasivizimin e vendbanimit, i cili do të kontribuojë në mbijetesën e shqiptarëve në këtë rajon.
Lista e përbashkët zgjedhore e shqiptarëve të Luginës së Preshevës është një pasqyrim i politikës së angazhimit të Shqipërisë dhe Kosovës për të përmirësuar dhe avancuar pozicionin e shqiptarëve dhe përfaqësimin e tyre në nivelin qendror, por kjo nuk e përjashton Serbinë nga detyrimet e saj ndaj kësaj zone, tha ministri shqiptar Gent Cakaj.
Ministri sot po qëndron në Bujanoc ku pati takime me kryetarin i komunës Shaip Kamberi dhe kryetari i Këshillit Kombëtar të Shqiptarëve Ragmi Mustafa.
/Nacionali/
No Comment