Ministri për Evropën dhe Punët e Jashtme, z.Gent Cakaj ka bërë të ditur se gjatë ditës së sotme ka pritur në takim studentët nga Lugina e Preshevës që studiojnë në Tiranë.
Ai mes tjerash pas takimit me ta, ka paralajmëruar se janë në përgatitje të projektit për trajnimin e mësuesve nga Lugina.
I pyetur për këtë temë na është përgjigjur edhe kryetari i Këshillit Kombëtar Shqiptar, i cili ka shpjeguar që janë ne komunikim me ministrin për Evropën dhe Punët e Jashtme, që në një projekt të përbashkët me Këshillin Kombëtar Shqiptar dhe Ministrinë përkatëse, do trajnohen mbi 120 mësues të ciklit të shkollave shqipe.
Gjithashtu z.Cakaj ka paralajmëruar furnizimin e librarive me tituj bashkëkohor e shkencorë në Luginë.
Postimi i plotë i tij
Kënaqësi e veçantë takimi me studentët e Luginës së Preshevës që studiojnë në Shqipëri 😊🇦🇱!
Mbështetja e Shqipërisë është e një rëndësie të patjetërsueshme për ngritjen shoqërore dhe rikthimin e shpresës tek shqiptarët e Luginës së Preshevës. Kjo kauzë na detyron të gjithëve!
Biseduam, mes tjerash, për përgatitjet që po bëjmë për të filluar me projektin e trajnimit të mësuesve shqiptarë dhe plotësimin me tituj bashkëkohorë e shkencorë të librarive të Luginës së Preshevës!
Edhe me masa të tjera mbështetëse së shpejti👊…
/Nacionali /
No Comment