Kryetari i Kuvendit të Republikës së Serbisë, Ivica Daçiq, njoftoi zgjedhjet lokale për tre qytete dhe komuna, përfshirë Preshevën, ku votimi do të zhvillohet më 28 Mars.
Parlamenti lokal u shpërnda në mes të dhjetorit dhe një organ i përkohshëm u prezantua sepse asnjë seancë nuk është mbajtur që nga 27 gushti.
Daçiq precizoi se veprimet zgjedhore do të fillojnë kur vendimet të hyjnë në fuqi, d.m.th., në ditën kur ato do të botohen në “Gazetën Zyrtare”.
Përveç Preshevës, zgjedhjet lokale do të mbahen në Zajeçar dhe Kosjeric.
Një fushatë e ashpër sapo ka filluar mes partive politike në këtë komunë, dhe pritet të ashpërsohet edhe më tepër javëve në vazhdim.
Alternativa për Ndryshim e kryetarit të tanishëm të Preshevës, Shqiprim Arifi nuk arriti të mbajë partinë e konsoliduar gjatë kësaj periudhe, duke bërë që nga ajo te derivoj tanimë një parti e re në Preshevë, ajo e numrit dy të APN dhe ish/zv të Komunës, Armend Aliu i cili ka themeluar partinë e re, atë të ADSh, apo Alternativa Demokratike Shqiptare.
Me ndarjen e tij nga APN, kjo e fundit pritet të pësoj rënie në këto zgjedhje, edhe pas fushatës së 3 viteve të fundit të PDSH dhe PVD.
PDSH e dalur nga zgjedhjet brenda partiake, ka filluar fushatën e saj duke themeluar grupe punuese për fusha të ndryshme, për t’u përgatitur në zgjedhjet që po hyjmë. E goditur nga LR-PDSH, ajo si duket ende po rënkon të rikuperoj votuesit që iu janë shkëputur me iniciativën e Sami Salihut me LR, i cili ka ushtruar postin e Kryetarit të Kuvendit Komunal në këtë Komunë.
Ofanizvë ka marrë edhe PVD dhe Ardita Sinani e cila ditëve të fundit siç duket po dëshiron të diferencohet nga Shqiprim Arifi i APN e Ragmi Mustafa i PDSH, duke provuar të paraqes veten si e kundërta e tyre. Në këtë kohë shohim edhe një sërë aderimesh në këtë parti.
Mirëpo ajo që ende kjo parti nuk ka arritur është të shtrihet sa duhet edhe nëpër fshatrat e Preshevës pasi që dihet që PVD shumicën e votave të tyre ka mbledhur brenda në qytet.
A do të jetë më ndryshe këto zgjedhje pritet të shihet, edhe pse të gjithë janë skeptik në këtë pjesë.
Ajo që dihet sigurt është që APN e Shqiprim Arifit do ketë rënie, ndërsa së kush do dal i pari në këto zgjedhje këtë do e mësojmë në mbrëmjen e 28 marsit.
Të kujtojmë, pas shpërbërjes së Asamblesë lokale, Qeveria vendosi që kryetari i Autoritetit të Përkohshëm të jetë kryetari i Komunës së Preshevës, Shqiprim Arifi.
/Nacionali/
No Comment