Gjatë ditës së sotme kryetari i komunës së Kamenicës, Qëndron Kastrati vizitoi Këshillin Kombëtar Shqiptar, liderët e Komunës së Bujanocit, Deputetët popullorë dhe kryetarin e Komunës së Preshevës.
Gjatë takimeve të ndara me liderët në fjalë u bisedua për tema të ndryshme me rëndësi për shqiptarët e Luginës së Preshevës.
Më poshtë gjeni prononcimet e tyre pas takimeve :
Sot pata kënaqësinë e veçantë të mirëpres kryetarin e Komunës së Kamenicës, z. Qëndron Kastrati.
Falënderova për angazhimin dhe kontributin e çmueshëm në mbështetje të shqiptarëve të Luginës së Preshevës, posaçërisht gjatë proceseve të fundit politike.
Gjatë takimit bashkëbiseduam për krijimin e një hapësirë sa më të gjerë e më të thellë të bashkëpunimit në realizimin e barazisë qytetare dhe të drejtave kolektive.
Ndamë shqetësimet për sfidat gjatë pandemisë me Covid-19 dhe qasjen për lartësimit e vizionit të përbashkët për zhvillim dhe përparim të gjithmbarshëm të rajonit- tha Ragmi Mustafa pas takimit.
Kryetari i Komunës së Bujanocit u shpreh
Kryetari i komunës së Kamenicës z.Qëndron Kastrati po qëndron për një vizitë zyrtare në Komunën e Bujanocit. Ai fillimisht u takua me kryetarin e komunës së Bujanocit z.Nagip Arifi i shoqëruar nga zv.kryetari i tij z.Musliu dhe kryetari i Kuvendit Komunal z.Ramadani.
Gjatë takimit të dy delegacioneve, z.Kastrati uroi kryetarin Arifin për zgjedhjen në detyrë të re, dhe çmoi angazhimin e tij për arritjen e një koalicioni gjithëshqiptarë në Bujanoc, i cili dha shembullin më të mirë edhe në Mal të Zi, e që do të ketë ndikim edhe në trevat tjera të banuara me shqiptarë. Gjatë fjalës së tij, kryetari Kastrati tregoi gatishmërinë e tij për t’i përfshirë shqiptarët e Luginës së Preshevës në dialogn Kosovë – Serbi.
Gjithashtu, u diskutua edhe për problemet e përbashkëta mes dy komunave, si problemet me menaxhimin e situatës Covid 19, mos ardhja e bashkatdhetarëve në vendlindje që ka ndikuar negativisht në ekonomitë lokale të të dy komunave. Kryetari Kamenicës premtoi avancimin e bashkëpunimit mes komunave Bujanoc, Kamenicë dhe Gjilan që të krijojnë një agjendë të përbashkët.
Në anën tjetër, kryetari Arifi falemnderoi kryetarin Kastrati dhe delegacionin e tij për vizitën. Ai elebaroi situatën politike në komunë të Bujanocit, gjendjen e shkaktuar nga pandemia Covid 19, si dhe mundësinë e bashkëpunimit më të madh mes komunave që problemet e përbashkëta që na preokupojnë të gjejnë zgjidhje. Përveç, bashkëpunimit institucional, u diskutua edhe për bashkëpunimin e sektorit joqeveritar, e cila mund të ndihmojë dukshëm në realizimin e projekteve në fusha të ndryshme.
Gjatë ditës së sotme, pritet të realizohen takime edhe në KKSH dhe me deputetët popullor shqiptar në Parlamentin Republikan të Serbisë.
Nagip Arifi
Ndërsa kryetari i Komunës së Preshevës pas takimit u shpreh :
Kryetari i Komunës Shqiprim Arifi ka pritur në takim kryetarin e komunës së Kamenicës Qëndron Kastrati.
Tema të rëndësishme që u biseduam ishin bashkëpunimi ndërkomunal me programe të ndryshme që kanë të bëjnë në shumë sfera të ndryshme.
Falimnderit kryetarit të komunës së Kamenicës dhe stafit e tij për vizitën duke shpresuar në bashkëpunim në programe tona të përbashkëta.
/Nacionali/
No Comment