Nga STAFI I RTV PRESHEVA
Ditëve të fundit, sikur edhe në tërë planetin Tokë, edhe në Luginë të Preshevës qytetarët janë të shqetësuar për shëndetin e tyre dhe të afërmëve të tyre pas përhapjes me të madhe të Corona virusit CIVID 19.
Mirëpo, deri sa në tërë botën qytetarët kanë mundësinë të informohen për mënyrën e mbrojtjes nga ky virus vdekjeprurës përmes radio dhe televizioneve lokale, rajonale e nacionale, në Luginë të Preshevës mund të informohen vetëm nga interneti, respektivisht përmes portaleve personale të individëve që informacionet i marrin ashtu siç i marrin. Informacionet kryesore i marrin nga portalet fantome dhe nga portalet e afërta me qeverisjen lokale (tek e fundit për këtë punë edhe paguhen), për të bë marketing për ta.
Shumica e qytetarëve, çdo herë që takohemi me ta, shprehin indinjatën dhe mllefin e tyre se nuk mund të informohen me kohë dhe drejtë, ashtu siç ishin mësuar të informohen përmes RTV PRESHEVA, të njoftuar tani më dhe të bindur se këtë “hedije” e kanë nga pushteti lokal i cili mediumin e vetëm publik në gjuhën shqipe në Luginë, pra RTV PRESHEVA-në, e ka sjellur para mbylljes, edhe pse të shumtë ishin ata që kishin kontribuar për themelimin dhe mbarëvajtjen e tij e këta që po e mbyllin janë të pakët (ani pse mendojnë se janë shumë).
Disa gjëra do të mbeten të paharruara në historinë e shqiptarëve të Luginës së Preshevës, e ndër to:
- kontributi i dhënë i të gjithë atyre për hapjen e RTV PRESHEVA, kur ishte më së vështiri,
- kontributi i dhënë i të gjithë atyre për mos dhënien e mundësisë RTV PRESHEVA, për të informuar qytetarët në momentet kur ishte më së vështiri për ta, në luftën me Corona virusin,
- kontributi i dhënë i të gjithë atyre për mbylljen e RTV PRESHEVA, kur ishte më së lehti për ta ruajtur dhe zhvilluar.
PRESHEVË, 22.03.2020
No Comment