Vdes kontabilisti i njohur në Preshevë, Naser Duraku, i cili kohë më parë ishte shtrirë në spitalin e Nishit, i infektuar me virusin korona dhe sot humbi betejën nga ky virus vdekjeprurës.
Për këtë Shoqata e Shkrimtarëve “Feniks (Luginë e Preshevës) i shpreh ngushëllime familjes dhe të gjithë atyre që e njohën.
Në ngushëllimin e kryetarit të kësaj shoqate thuhet:
NGUSHËLLIM…
Sot morëm lajmin e hidhur se paska ndërruar jetë kontabilisti i mirënjohur në Preshevë dhe më gjerë Naser Duraku, një njeri i shkëlqyeshëm, i urtë dhe mjaft human, i cili u ka ndihmuar shumë njerëzve, shoqatave joqeveritare në ndihmë kontabiliteti .
Ka qenë përkrahës i madh i kulturës, artit dhe letërsisë, i afërt dhe pjesë e Shoqatës së Shkrimtarëve “Feniks” (Luginë e Preshevës), andaj në emër të Shoqatës së Shkrimtarëve “Feniks” dhe në emrin tim personal, u shprehi ngushëllimet më të sinqerta familjes Duraku, miqve, kolegëve të tij në zyrën e komtabilitetit në Preshevë dhe të gjithë atyre që e njohën.
Shpirti i tij i pastër u prehtë në Parajsë…
Bilall Maliqi, kryetar
/Nacionali/
No Comment