GAZETAR DHE KRIJUES SHUMËDIMENSIONAL
Mërgata jonë që jeton në diasporë, apo më mirë me thënë në shtetin e Zvicrës për hallet e tyre të çfarëdo lloji qofshin dhe në çdo fushë të jetës së tyre shoqërore, politike, ekonomike dhe kulturore prezantohen përmes gazetarëve të cilët përpos punës së tyre për jetesë kryejnë edhe këtë lëmi me rëndësi, për t’u njoftuar me brengat e bashkëatdhetarëve që jetojnë atje të cilat janë shumëdimensionale. Njëri ndër këto figura të njohura të gazetarisë është edhe Dashnim Hebibi që vepron përkohësisht në qytetin Cyrih të Zvicres. Biografia Dashnim Hebibi lindi më 12 qershor 1976 në Preshevë. Në shkollën fillore dhe në ate të mesmen, Dashnimi u dallua, nga nxënësit e tjerë, duke treguar se po lind një yll i gazetarisë për këto treva. Dashnim Hebibi gjatë studimeve në Tiranë ushtroi profesionin e gazetarisë thuajse në të gjitha gazetat e asaj kohe që botoheshin në Shqipëri. Dashnim Hebibi, ka mbaruar edhe disa studime pasdiplomike, si Akademinë Diplomatike dhe Menaxhimin e Krizave në Tiranë dhe me sukses mbaroi edhe magjistraturën në një temë shumë interesante “Roli i Medias në marrëdhëniet ndërkombëtare”. Dashnimi gazetar Dashnimi Hebibi ka të mbaruar Fakultetin e Gazaetarisë në Tiranë dhe punoi disa vite redaktor i diasporës në të përditshmen “Bota sot”, redaksia në Cyrih, punoi korrespodent në Televizionin e Maqedonisë redaksia në gjuhën shqipe për tre vjetë nga Zvicra. Ka redaktuar dhe recenzuar shumë vepra, gjithmonë si gazetarë i lirë.
Dashnimi është edhe njëri nga themeluesit e Bibliotekës së parë shqiptare në Zvicër, i cili punoi jo më pak se katër vite për këtë projekt të madh dhe është përshëndetur nga shumë intelektualë. Ishte editor për diasporë i agjencisë së lajmeve INA me seli në Maqedoni, ndërsa deri në shkurt të vitit 2010 ishte drejtor i Albanian Media Center (Qendrës së vetme mediale në diasporë), drejtor dhe editor i agjencisë së lajmeve www.kosovaere.ch, si dritare informative për diasporën tonë, në bashkëpunim me shumë media tjera, edhe këtu punon në cilësinë e gazetarit të lirë.
Dashnimi, ka realizuar shumë intervista me personalitete të ndryshme politike si të atdheut ashtu edhe me ata ndërkombëtarë, duke u nisur nga kryeministri Sali Berisha, presideni i ndjerë Dr.Ibrahim Rugova, i ndjeri Azem Hajdari, Fehmi Mujota, Jakup Krasniqi, Ramush Haradinaj, Behgjet Pacolli, Lulzim Basha dhe shumë e shumë personalitete, ndërsa me ndërkombëtarë Wesli Klark, Calmy Rey dhe shumë të tjerë. Njihet si ambasador i Kosovës Lindore për Zvicër, sepse është organizatori numër një, për të mirën e këtyre trevave. Njihet, gjithashtu edhe si intelektual i unitetit, i cili në vitin 2009 në Zvicër, ishte i vetmi që mblodhi të gjithë subjektet politike shqiptare që veprojnë në Zvicër, si degë dhe disa shoqata humanitare dhe i dërgoi tek ambasadori i shtetit amë Shqipërisë në Bern. Ishte i vetmi gazetar, që para disa viteve, mori pjesë si gazetarë në Vatikan, me lumturimin e Nënë Terezës, dhe u takua me Gjon Palin e dytë të ndjerin dhe shumë e shumë personalitete të skenës politike shqiptare, ndërkombëtare dhe atyre fetare. Të gjitha këtoi intervista që i cekëm më lartë Dashnimi i përmblodhi dhe i botoi në një libër voluminoz të titulluar “Intertvista në tranzicion I”. Dashnim Hebibi ka shtetësinë e Zvicrës.
Ndihmon edhe TV Diaspora-RTK për edicionin e Zvicrës.Përndryshe njihet edhe si moderator i shkëlqyer, i cili ka realizuar me dhjetëra mbrëmje argëtuese, sportive në diasporë, duke moderuar me një modesti të madhe profesionale. Dashnimi, mbaroi me sukses të shkëlqyer Akademinë Ndërkombëtare të Kriminalistikës tek i njohuri Avi Bleier në Tel Aviv të Izraelit. Dashnim Hebibi, në vitin 2011, përpara komisionit kompetent të Fakultetit të Europës Juglindore, me sukses mbrojti temën e Magjistraturës, dhe fitoi gradën shkencore Magjistër. Dashnim Hebibi poet e prozator Përveç se është një gazetar i kalibrit të lartë, Dashnimi është poet dhe prozator.
Të shkruaj filloi që herët gjithnjë duke qenë lexues i pasionuar filloi edhe të merret me shkrime. Një ndihmesë të madhe për të hyrë me sukses në rrugën e gjatë dhe të pasosur kurrë të shkrimit e kishte nga poetesha dhe profesoresha Sadete Presheva e cila e përkrahi shumë sidomos sa ishte në nxënës në Gjimnazin e Preshevës. Dashnimi si krijues shkruan poezi për të rritur me një gamë të gjerë motivesh të cilat i ka paraqitur nëpër faqet e librave të tij. Që nga viti 1996 Dashnimi u bë pjesë e lexuesve duke dalur me librin e tij të parë të titulluar “Njëqind orë udhëtim”. Veprat e tjera të Dashnimit janë: • Njëqind orë udhëtim ;
• Hënë e fshehur ;
• Kohë me shumë vrima ;
• Lexim i tokës ;
• Kosova, një zjarr amë ;
• Dialog me gurin ;
• Aristokracia e shpirtit ;
• 16 Plumbat e Fjalës” ;
• Intervista në Tranzicion I ;
• Intervista në Tranzicion II.
• Intervista në Tranzicon III;
• Intervista në Tranzicion IV;
• Monografia e Shoqatës Humanitare “Medvegja” me titull ” 30 vjet në shërbim të kombit”
• Monografia e Shoqatës Humanitare “Lugina e Preshevës” me titull “10 vjet për kombin”
• Lugina e Preshevës, pjesë e unit kombëtar (Libër kushtuar vizitës në Luginë të Preshevës më 7.03.2017, të Presidentit të Shqipërisë, Shkëlqesia e Tij, z.Bujar Nishani
• Diaspora shqiptare në udhëkryq ( Libër që e ka botuar Bashkia e Zagrebit dhe Prefekturës në kuadër të Bashkësisë shqiptare në Zagreb e Prefekturë).
Është i prezantuar në Leksikonin Enciklopedik, 2020. Dashnimi është i përkthyer në gjuhën gjermane, angleze, italiane dhe franceze si: (libri poetik/ Dialog me gurin/ është i përkthyer në gjuhën gjermane, mandej edhe libri tjetër /Aristrokracia e shpirtit/ është i përkthyer në gjuhën angleze, / Plumbat e fjalës/ poashtu në gjuhën angleze).
Dashnim Hebibi edhe më tutje ushtron profesionin e gazetarit dhe po ashtu merret me shkrime të zhanreve të ndryshme letrare…
Bilall Maliqi
No Comment