Një delegacioni i Medresesë “Gazi Isa-beg” nga qyteti i Novi Pazarit i udhëhequr nga Myftiu hfz. Abdurrahman ef. Kujeviq, kryetar i Bordit të Medresesë, i cili përbëhej nga Dr. Mustafa Fetiq – anëtar i Bordit Drejtues dhe prof. Edib Zukorliq, koordinator i medresesë së grave në Tutin, dje më datë 21 shtator 2020, vizituan Medresenë e Luginës së Preshevës.
Delegacioni i Medresesë u mirëprit nga koordinatori i Medresesë së Preshevës, Ismail Halimi prof., dhe nga bashkëpunëtorët e tij, ku pas një pritje të ngrohtë, ata informuan delegacionin nga Novi Pazari për situatën, aktivitetet mësimore dhe planet e ardhshme të këtij institucioni arsimor.
Pas një turneu të përbashkët në të gjitha departamentet e Medresesë së Luginës së Preshevës, në shoqërinë e të gjithë nxënësve dhe profesorëve, audiencës iu drejtua hfz. Kujeviq, duke shprehur gëzimin që gjindet në Preshevë, për të parë këto fytyra të lumtura që rrezatojnë pastërtinë e besimit të Islamit.
Myftiu Kujeviq premtoi mbështetje të plotë për departamentin e Medresesë në Preshevë dhe i ftoi ata të vizitojnë selinë e Medresesë në Novi Pazar.
/Nacionali/
No Comment