Kryetari i KKSH-së, Ragmi Mustafi, në një postim në faqen e tij në fb, shkruan për përqindjen e popullatës në zgjedhjet e fundit lokale, në nivel të Luginës së Preshevës, duke u thirrë në dritën e shifrave dhe të fakteve, ku përfaqësimi i shqiptarëve të Luginës është shumë i ulët, duke paraqitur diskriminimin e vazhdueshëm që shteti u bënë shqiptarëve të Luginës së Preshevës.
Lidhur me këtë, kryetari i KKSH-së në faqen e tij në fb., shkruan:
FAKTE NË NUMRA!
Sipas zgjedhjeve të fundit për asmbaletë lokale për Preshevë, Bujanoc dhe Medvegjë, shqiptarët kanë fituar mbi 71% të votave.
Deri sa besohet se në komunën e Preshevës rreth 95% të popullsisë përbëjnë shqiptarët, në Bujanoc afër 70 %, në Medvegjë afër 25%, e në nivel qarku, atë të Pçinjës rreth 30%.
Në anën tjetër Kushtetuta e Republikës së Serbisë në nenin 7 pargrafi 2 thotë “Me rastin e punësimit në organet shtetërore, shërbimet publike, organet e krahinës autonome dhe njësitë e vetëqeverisjes lokale, merret parasysh përbërja kombëtare e popullsisë dhe përfaqësimi përkatës i pjesëtarëve të pakicave kombëtare.”
Përfaqësimi i shqiptarëve, sipas hulumtimit të kryer nga Këshilli Kombëtar Shqiptar është në nivele shumë të ulëta, duke shpërfaqur diskriminimin e vazhdueshëm ndaj shqiptarëve në Luginë të Preshevës.
Edhe pse në neni 78, paragrafi 3 të Kushtetutës thotë “Ndalohet marrja e masave që do të shkaktonin ndryshime artificiale në përbërjen kombëtare të popullsisë në zonat ku pjesëtarët e pakicave kombëtare jetojnë tradicionalisht dhe në numër të konsiderueshëm”.
Përmes numrave dhe fakteve, ne ditët në vazhdim – ashtu si dje, do paraqesim diskriminimin në (mos)përfaqësim, (mos)përshirje dhe (mos)integrim të shqiptarëve në Luginë!
/Nacionali/
No Comment