Kultura çdoherë ka identifikuar lashtësinë e një populli. Sa do që është trashëguar brez pas brezi ajo gjithmonë ka pasur primatin për të qenë një mbretëresh, dhe atë popull t’a paraqes me plot veti pozitive. Në Greqinë e lashtë, shumë filozofë, aktorë, poetë, darmaturg shpërfaqën para, audiencës së tyre një kulturë brilante, që sot e kësaj dite bota e merr si model. Aktorët, si Sofokliu, Euripidi, Aristofani, mbetën model të kulturës botërore, sepse ideja e tyre ishte që nëpërmjet personazheve t’a paraqesin kultin e njeriut, si qenie mjaft e rëndësishme për të ecur mbarë njerëzimi. Ajo vazhdoi rrugëtimin e pashoq drejt vlerave sublime se njeriu mund të arrijë që të pamundshmen t’a bëjë të mundshme. E tillë është kultura, kur ajo përfaqësohet nga njerëz adekuat. Kultura, në trevën e Luginës së Preshevës në gjirin e saj posedon aktorë mjaft brilantë nëse i analizojmë cilësitë e një aktori lirish mund ta them se ajo fillon nga Gani Veseli, i cili me shpirtin e tij bilur, ka arritur majat e suksesit në aktrim, pasta vjen Artan Ibishi një mjeshtër i rrallë që vështirë mund t’ia gjesh yrnekun, dhe Kastriot Saqipi poashtu regjisor i kalibrit të jashtzakonshëm. Pikërisht këta aktorë, me punën e tyre po vazhdojnë të na bëjnë krenarë, me nostalgjinë ndaj aktrimit të tyre para publikut preshevarë, edhe atë ndërkombëtarë.
Dokumentari ka këtë ekip realizues, producent- Gani Veseli, regjisor-Kastriot Saqipi dhe kordinator- Artan Ibishi ku me mjeshtrinë e tyre prej artsiti arritën që para publikut t’a shfaqin një dokumentar për një personalitet siç është Hasan Kadriu.
Këto ditë patëm rastin që po nga këta dy mjeshtër të mëdhenj të aktrimit të sjellin para publikut dokumentarin me titull ” Heroi i Heshtur” kushtuar figurës së patriotike, sportive, dhe menaxherit të parë shqiptar të FIFAS-së, z. Hasan Kadriu. Producenti i këtij filmi Gani Veseli shprehet se: “Për ne ka qenë një nder i madh, si ekip realizues i këtij dokumentari sepse kemi hap një rrugë për një emër, i cili ka qenë i harruar për 24 vite“.
Si mik i Kadri Zekës dhe vëllezërve Gërvalla, Hasani ndoqi rrugën e tyre të atdhetarizmit çka tregon se shpirti i tij, kishte mision kombëtar prej patrioti.
Për shpirtin e një artisti krijues producenti z. Veseli dhe regjisori z. Saqipi vazhdojnë intuitën e tyre se vetëm duke i kujtuar ata heronjë ne nderojmë edhe vetveten dhe mëpastaj vazhdon: “Ne preshevarët i kujtojmë me pietet veprimtarët që sakrifkuan gjithçka për idealet e tyre. Siç nuk arritëm kurrë t’i heshtin regjimet satrape intelektualë të shumtë të cilët në mënyra më barabare, i burgosën dhe i larguan nga toka e tyre, por me veprimtarinë e Hasan Kadriun nuk arritën as ta heshtin, sepse ai u qëndroi ballë mynxyrave që të tjerët i’a montuan pabesisht. Prandaj sot ndjehemi edhe më të nderuar, sepse ky dokumentar është jehona shpërthyese për veprimtarinë e tij. Epilogu i këtij dokumentari tregon se Hasani e deshi shqiptarinë si pjesë e botës, ku fudbollin e kishte pasion, si dhe ideali i tij ishte që ky komb në një të ardhme të afërt të jetë i lirë”.
Ky dokumentar do të shfaqet në kinematë e Shqipërisë dhe Kosovës dhe do të jetë pjesmarrës në festivalet e ndryshme të botës. Është një nder i veçantë, për ne sepse aktorët tanë, përfaqësojnë edhe kulturën preshevare, ku një komb pa kulturë e histori zhduket pa nam e nishan. Kështu pati shkruar edhe antishqiptari më i madh serb Dobrica Qosiq se: “nëse duam ta shkatërrojmë një popull do t’ua ndalim kulturën dhe gjuhën” që asesi nuk mundën aspak ta zhbëjnë kulturën tonë, sepse ajo është autoktone dhe e lirë.
Kulturës duhet t’i jemi shërbëtor çdoherë, sepse ka kulturë jemi si bima pa rrënjë.
Mr. sc. Shefat Ademi
No Comment