Doli nga shtypi libri më i ri i poetit, i cili vjen nga Corrotica e Preshevës, e që jeton në Fushë Kosovë, Fehmi Ramadani, me titull “Kam një ëndërr”, përgatitur për shtyp nga Shoqata e Shkrimtarëve “Feniks”, botuar nga Sh.b. “Lena”, Prishtinë, 2020.
Ky libër ndahet në dy cikle poetike //Drejt atdheut/ dhe /Lugina nuk harrohet/.
Është ky pasqyrim i poetit sado që është prekës, është real dhe objektiv. Këtu poeti shpreh dhembjen e largimit sistematik, besa edhe kolektiv (të një kohe të pakohë) të shqiptarëve për një jetë më të mirë.
Në vazhdim poeti e portretizon vargërisht detin e Dyrrahut plak dhe të vendeve të tjera, të cilat ngjallin shpresë, gëzim, mburrje dhe krenari për këto bukuri të rralla që na i ka falur Perëndia.
Poezitë e ciklit të parë janë ndërtuar me një forcë shprehëse, pa ndonjë hermetizëm, ato (poezitë) janë të drejtpërdrejta, në të shumtën e rasteve rimohen në mes veti dhe si të tilla e kanë vlerën e vet artistike.
Në ciklin e dytë /Lugina nuk harrohet/, poeti jep maksimumin, duke iu përkushtuar poezi heronjve, të cilët na e sollën lirinë, sado që është e brisht në Luginë.
Lugina për poetin është e nëpërkëmbur nga shteti serb, të drejtat kolektive të shqiptarëve skajshmërisht i ka minimizuar, dhe , këta dëshmorë të kombit luftuan për drejtësi dhe për liri, duke e dhënë më të shtrenjtën jetën.
Marrë në përgjithësi, vëllimi poetik “Kam një ëndërr”, i poetit Fehmi Ramadanit, ka një vlerë të kënaqshme, duke u thirrë në analizën poetike të librit në fjalë.
Tani poetit i mbetet të punojë, të gjurmojë si gjetje artistike po ashtu edhe ta rris vlerën artistike të poezisë së tij.
/Nacionali /
No Comment