Dy krijues nga Lugina prezent në almanakun shqip – anglisht .

Doli nga shtypi Almanaku “Flakadani i kujtesës” (Flambeau of remembrance), botues Ars Albanica Tetovë, 2020.

“Flakadani i kujtesës”, një almanak shqip – anglisht, me poetët pjesëmarrës në Festivalin Mbarëkombëtar Poetik “Flakadani i kujtesës – II”, të mbajtur më 3 – 4 maj 2019, në Tetovë, nën organizimin e SHKSH “Ars Albanica”.

Në këtë Festival pati poetë nga shumë vise shqiptare, të cilët denjësisht i prezantuan vendet e tyre në këtë Festival të veçantë të këtij formati.

Nga Lugina e Preshevës ishin të ftuar, shkrimtari Bilall Maliqi, kryetar i Shoqatës së Shkrimtarëve “Feniks” (Luginë e Preshevës) dhe poeti nga Medvegja Rrahman Hyseni.

Në këtë Almanak, shqip- anglisht janë të prezantuara punimet e të gjithë pjesëmarrësve të këtij Festivali, ndër ta edhe të dy krijuesve të lartpërmendur nga Lugina e Preshevës…!

/Nacionali/