Dolën nga shtypi dy vepra të shjkrimtarit dhe studiuesit të njohur Dr. Bardhyl Maliqi, njëra vepër është artistike, poema për Preshevën me titull “Presheva, nuse përdëllimi” , botues “Kurora” Gjilan dhe libri tjetër i karakterit studimor me titull “Shprehësi imagjinare e botës së fëmijëve”, botues “Lena “ Prishtinë.
Në librin e karakterit studimor, studiuesi i njohur gjithandej trojeve shqiptare, Dr. Bardhyl Maliqi, temë boshte ka pasur studimin e të gjitha veprave për fëmijë të shkrimtarit të njohur kombëtar dhe ndërkombëtar, Mexhid Mehmeti, si në poezi, po ashtu edhe në prozë, kur dihet se shkrimtari Mexhid Mehmeti ka pasur jehonë të madhe me veprat letrare për fëmijë, e sidomos për trevëllimshin “Çamarrokët” ku fitoi çmimin “Ymer Elshani” dhe shtatë vëllimshin e parë në historinë e letërsisë shqiptare për fëmijë “Ecejaket e Herolindit” ku ka fituar çmimin “Vehbi Kikaj” që e ndan MKRSK-ja.
Ndërsa në librin artistik, poemën për Preshevën e titulluar “Presheva, nuse përdëllimi”, autori, Bardhyl Maliqi ka marrë për bazë disa libra me poezi për të rritur të shkrimtarit Mexhid Mehmeti, të përmbledhura në një libër përzgjedhës me titull “Përtej harrimit”.
Pra, në bazë të këtij libri me poezi përzgjedhëse të disa librave me poezi për të rritur, të cilat përmblidhen në këtë libër, poeti dhe studiuesi i njohur Bardhyl Maliqi ka sajuar edhe poemën me vlera të qëndrueshme letrare dhe artistike me titullin e lartpërmendur.
Këto dy libra, njëra me karakter shkencor për veprimtarinë për fëmijë të shkrimtarit Mexhid Mehmeti dhe tjetra me karakter artistik, poema për Presshevën, i bëjnë nderë autorit të librave, protagonistit kryesor të veprave letrare (Mexhid Mehmetit), Preshevës, Luginës dhe letërsisë shqiptare në përgjithësi.
Këto dy libra u botuan në shtypshkronjën “Lena “ në Prishtinë, 2020.
/Nacionali/
No Comment