Kryetari i Këshillit Kombëtar Shqiptar, Ragmi Mustafa, në profilin e tij në facebook, bëri të ditur për opinionin e gjerë se edhe 10 tekste mësimore nga Republika e Shqipërisë janë në fazën e fundit të aprovimit për të qenë pjesë e katalogut të teksteve mësimore në gjuhën shqipe të lejuara edhe nga Ministria e Arsimit e Republikës së Serbisë.
Ja postim i plotë i kryetarit Mustafa:
“Edhe dhjetë (10) tekste mësimore nga Republika e Shqipërisë janë në fazën e fundit të aprovimit për të qenë pjesë e katalogut të teksteve mësimore në gjuhën shqipe, të lejuara dhe të publikuar nga Ministria e Arsimit Shkencës dhe Zhvillimit Teknologjik.
Lus të gjithë drejtuesit e shkollave fillore në Preshevë, Bujanoc dhe Medvegjë që deri në këtë fund muaj, përmes programit të menaxhimit shkollave “Dositej” të bëjnë përzgjedhjen e këtyre teksteve mësimore.
Edhe shqip, edhe nga Shqipëria, edhe më të avancuarat në rajon.
Vlen të theksohet se Këshilli Kombëtar Shqiptar, përkatësisht kryetari Mustafa, ka bërë hapa pozitiv në përpjekjet për të ndikuar dhe për të bërë trysni tek autoritetet serbe për lejimin e teksteve mësimore nga Republika e Serbisë.
/Nacionali/
No Comment