Në mesin e librave të lejuara, të cilat kanë ardhur nga Republika e Shqipërisë, e të cilat i ka lejuar Ministria e Arsimit e Republikës së Serbisë, është edhe librit i historisë i klasës së gjashtë, arti figurativ dhe arti muzikor, të cilat prekin në tabanin kombëtar.
Kur jemi te këto tekste, e sidomos te teksti i historisë, tek e cila ka pasur vërejtje dhe moskordinim është sidomos libri i historisë, i cili në brendi ka materiale që prekin drejtpërdrejt identitetin tonë kombëtar.
Dihet mirëfilli se më përpara arsimtarët e lëndës së historisë u kanë dhënë më tepër shënime nxënësve, meqenëse librat të cilat i kanë pasur nuk ka pasur material që pasqyrojnë identitetin tonë kombëtar në aspektin historik.
Tanimë me marrëveshjen në mes Ministres së Arsimit të Republikës së Shqipërisë, zonjës Besa Shahini dhe homologut të saj z. Mlladen Sharçeviq, si dhe me kërkesën e njëpasnjëshme të KKSH-së, një mori e librave u lejuan, në mesin e tyre edhe libri i historisë për klasën e gjashtë.
Tanimë arsimtarët do ta kenë më të lehtë dhe në mënyrë të lirshme të spjegojnë njësi mësimore, të cilat pasqyrojnë autoktoninë dhe identitetin tonë historik dhe kombëtar nëpër kohë…
/Nacionali/
No Comment