Zyra për vërtetim të libreezave të shëndetësisë dhe të dokumentacioneve të tjera shëndetësore e komunës së Preshevës, gjendet në Stacionin Hekurudhor.
Duke e ditur që popullata e komunës së Preshevës po përballet me këtë problem të largësisë së kësaj zyreje prej 3 kilometrave nga qyteti dhe mosmundësia e shumicës së popullatës të frekuentojnë për nevojat e tyre, duke përfshirë pleq, të cilët obligohen që me taksi të shkojnë, e të kthehen ndoshta pa mbaruar punë, është dashur që një pjesë e kësaj zyreje të transferohet në qytet, në mënyrë që popullata të kenë komoditet sa i përket kryerjes së punëve të tyre në aspektin shëndetësor.
Edhe me insistimin e të gjithë kryetarëve të komunës së Preshevës, që një zyrtar të transferohet në Preshevë, kjo ende nuk ka ndodhur.
Tani edhe vaksinimi i popullatës për Covid është transferuar në Stacionin Hekurudhor, gjë që edhe më tepër e kanë rënduar gjendjen e popullatës së komunës së Preshevës.
Një gjë dihet se në këtë rast pala e dëmtuar janë qytetarët e komunës së Preshevës.
/Nacionali/
No Comment