Doli nga shtypi libri i parë me vjersha i autorit Elton Mehmeti, nxënës i klasës së katërt, libri titullohet “Kthehu dallëndyshe”, përgatitur për shtyp nga Shoqata e Shkrimtarëve “Feniks” .
Eltoni në këtë libër të këndshëm për lexim ka paraqitur ndjesinë e tij imagjinative për të shkruar vjersha të cilat janë me motive të përziera, por të këndshme për lexim.
Edhe përkundër moshës së re, Eltoni arriti të na bind se është lexues i pasionuar dhe duke lexuar libra të ndryshëm me poezi për fëmijë sikur e ka motivuar që edhe ai të shkruaj disa vjersha, të cilat janë të kapshme së pari për autorin, por edhe për botën e fëmijëve në përgjithësi.
Kur themi se motivert poetike në libër janë të përziera kjo shihet në lexim të tyre, sepse ai i shkroi natyrës, stinëve të vitit, mërgimtarëve, diellit, atdheut, babait, nënës gjyshit, etj., pra i ka rrahur gati të gjithë motivet me kapacitetin e tij krijues.
Poezitë janë të shkurtra, por janë të pajisura me rimë dhe muzikalitet, janë të shkruar me një gjuhë të kuptueshme gjë që e bëjnë librin më të afërt dhe më tërheqës për lexim.
Poezitë e këtij libri shumë lehtë mësohen përmendësh, sepse janë të shkurtra dhe janë të afërta me lexuesit e vegjël, duke ia bashkangjitur edhe porositë që gjenden btrenda rreshtave të lëndës poetike.
Libri u botua nga sh.b. “Lena” Prishtinë, 2020, fq. 48
No Comment