Ende nuk ka hyrë në fuqi reciprociteti për targat e veturave

Reciprociteti i paralajmëruar nga Qeveria e Kosovës që nga sot, 15.09.2021 për targat e Serbisë, akoma nuk ka hyrë në fuqi.

Në Kosovë mund të udhëtohet sikurse edhe më parë, pa qenë të detyruar për pagesën e targave PROBA.

Kohë më parë Zëvendëskryeministri i Kosovës, Besnik Bislimi, pati paralajmëruar pas takimit me përfaqësuesin e posaçëm të Bashkimit Evropian, Miroslav Lajçak, se Kosova nuk do të pranojë zgjatjen e marrëveshjes së përkohshme për targat e veturave përtej 15 shtatorit, kur edhe skadon afati i kësaj marrëveshje të arritur shumë vite më parë në Bruksel.

Sipas Bislimit Kosova do të sillet njësojë siç bën Serbia me veturat me targa të Kosovës (RKS), duke paralajmëruar reciprocitet.

/Nacionali/