“Angazhimet tona për avancimin e të drejtave të shqiptarëve do jenë të vazhdueshme… “ thotë zv/kryetari i Këshillit Kombëtar Shqiptar, Enver Mehmeti.
Në këtë intervistë për Nacionali.info flet për angazhimin efektiv të këtij institucioni marrëdhëniet me bashkësinë ndërkombëtare dhe sukseset e arritura për vetëm një vit. Vlerëson pozitën e shqiptarëve në Luginën e Preshevës dhe jep një mesazh shumë të rëndësishëm.
Nacionali.info: Si e vlerësoni pozitën shqiptarëve në Luginë të Preshevës?
Enver Mehmeti: Uroj fillimin e Nacionali.info një nevojë e domosdoshme nga fusha e informimit, ka munguar për një kohë një medium, i shkruar me më shumë gazetar profesionist.
Pozita e shqiptarëve të Luginës vazhdon të jetë e vështirë në çdo aspekt të diskriminuar skajshmërisht nga politika shtetërore.
Nacionali.info: Cilat janë pritshmërit Tuaja për vitin e ardhshëm 2020-të shqiptarët e Luginës së Preshevës a do të jenë në të njëjtën pozita?
Enver Mehmeti: Angazhimet tona për avancimin e të drejtave të shqiptarëve do jenë të vazhdueshme, dhe shpresojmë se do ketë përparime në reciprocitet të drejtave me serbët në Republikën e Kosovës, padyshim në bashkëpunim me faktorin ndërkombëtar vetëm në këtë formë mund të arrihen rezultate konkrete.
Nacionali.info: Si e vlerësoni funksionimin e KKSH-ës për vitin 2019-të?
Enver Mehmeti: Këshilli Kombëtar Shqiptar përveç kompetencave nga fusha e arsimit, informimit, kulturës dhe përdorimit të gjuhës dhe shkrimit kompetencë kryesore ligjore ka të merr qëndrimet, fillon nisma dhe ndërmerr masat lidhur me të gjitha çështjet të cilat janë të lidhura drejtpërsëdrejti me pozitën, identitetin dhe të drejtat e pakicës kombëtare, në këtë rast të drejtave të shqiptarëve në Luginë.
Në gjitha fushat Këshilli ka funksionuar në drejtim të avancimit por do të veçoja Raportin e Këshillit të Evropës ndër të cilat theksohet: Trajtimi i pabarabartë i këshillave kombëtare të pakicave nacionale nga shteti; Qasja jo fleksibile në trajtimin e numrit të pjesëtarëve të komunitetit shqiptar; Pasivizimi i vendbanimeve të shqiptarëve; Mungesën e përdorimit zyrtar të gjuhës dhe shkrimit shqip në institucionet shtetërore; Mos përfshirja e shqiptarëve nëpër institucionet shtetërore; Mungesa e teksteve mësimore për shkollat fillore dhe të mesme në gjuhën shqipe; Mos njohja e diplomave të shqiptarëve të përfituara jashtë vendit (KOS, ALB, NMK); Pamundësinë për të siguruar funksionimin e mediave nga shteti; Pamundësinë për të siguruar fonde të mjaftueshme në mbrojtjen dhe kultivimin e identitetit e kulturës; Mospërfillja e marrëveshjeve mes përfaqësuesve institucional/politik dhe shtetit serb.
Politika e Serbisë gjithnjë ka tendencë që para faktorit ndërkombëtar të paraqes se shqiptarët i gëzojnë të drejtat e barabarta dhe të arrihet që me përfaqësim e prezantim të Këshillit Kombëtar Shqiptar të bindet edhe Këshilli i Evropës se shqiptarët vazhdojnë të jenë të diskriminuar është një fitore politike në fakte reale, një pasqyre e vërtete.
Nacionali.info: Si e shihni funksionimin e KKSH-ës për vitin 2020-të?
Enver Mehmeti: KKSH do vazhdojë maksimalisht të bëjë punën e vet si institucion më i lartë përfaqësues i shqiptarëve në këto treva autoktone deri në zgjidhjen përfundimtare të çështjes shqiptare.
Nacionali.info: Cili është mesazhi Juaj për vitin 2020-të?
Enver Mehmeti: Uroj vit të mbarë dhe të suksesshëm për gjithë shqiptarët ku do që gjinden sidomos të atyre në Luginë me shpresë se gjërat do të përmirësohen edhe pse po përballemi me problemin edhe të emigrimit të të rinjve por gjithnjë duke vlerësuar qëndrueshmërinë e gjithë atyre që të sakrifikojnë e kontribuojnë në vendlindje e për vendlindjen.
No Comment