Nga pakoja e ndihmës së Qeverisë së Republikës së Kosovës me 200.000 euro për komunën e Bujanocit sot është blerë autoambulanca me pajisje të përosura, në të cilën gjenden: defibrilatori, aspiratori, dërrasa spinale, seti për reanimim, ekg, karrika kardiologjike, shtrati për politraumë dhe ultrazë.
Kohë më parë, kryetari i komunës së Bujanocit, z. Shaip Kamberi, bëri të ditur se një pjesë e kësaj ndihme do të shkojë për blerjen e kësaj autoambulance e cila do të jetë në shërbim të personelit mjekësor dhe të pacientëve, dhe kjo u bë realitet.
Nga ky buxhet komuna e Bujanocit kishte ndarë 6 milionë dinarë për blerjen e kësaj autoambulance të përgatitur me të gjitha pajisjet e nevojshme për transportimin sa më të sigurt të pacientëve të sëmurë, donacion që do t’i dhurohet shtëpisë së shëndetit në Bujanoc.
Tani personeli mjekësor që do të angazhohet në këtë autoambulancë do ta ketë më të lehtë kryerjen e shërbimeve adekuate mjekësore…
/Nacionali/
No Comment