“Fondi i përbashkët për mbështetjen financiare të Luginës së Preshevës”

Qeveria e Shqipërisë dhe Qeveria e Kopsovës kanë krijuar një grup punues për krijimin e “Fondit të Përbashkët për Luginën e Preshevës”.

Marrëveshja për fondin e përbashkët u nënshkrua nga Ministri i Jashtëm shqiptar Gent Cakaj dhe homologu i tij nga Prishtina, Meliza Haradinaj Stublla, në një seancë të përbashkët të dy qeverive, e cila po mbahet në Tiranë.

Republika e Kosovës dhe Republika e Shqipërisë kanë rënë dakord për kompletimin e të gjitha detajeve teknike për krijimin e një fondi ndërshtetëror për mbështetjen financiare të Luginës së Preshevës.

Mbani në mend: ky nuk është fundi i asgjëje. Mbështetja jonë për Luginën e Preshevës dhe ngritja e çështjes së shqiptarëve atje do të vazhdojë në të gjitha fushat e mundshme – tha Cakaj pas nënshkrimit të marrëveshjes.

Autoritetet në Prishtinë gjithashtu krijuan Zyrën për Ndihmë për Qytetarët e Komunave të Bujanocit, Preshevës dhe Medvegjës të hënën.

Vendimi për krijimin e “Zyrës për Ndihmë për Qytetarët e Luginës së Preshevës”, siç thuhet në emrin zyrtar, u shpjegua me “angazhimin e Qeverisë për të marrë masa për të lehtësuar jetën e qytetarëve lokalë, në fushën e arsimit, ekonomisë, mbështetjes për aktivitete të ndryshme, media lokale dhe OJQ-të”.

Tani qytetarët  shqiptar të Luginës së Preshevës presin që këto premtime për krijimin e këtij fondi të përbashkët për mbështetjen financiare të fushave të lartcekura të realizohet…

/Nacionali/