Doli libri më i ri i teologut Granit Kamberi nga Presheva, me titull “Fytyrat e ndritura”, libër ky i karakterit fetar, botuar në Preshevë, 2020.
Brendia e librit shoqërohet me një material që pasqyron biografitë e 28 profetëve të Zotit që nga njeriu i parë në faqen e tokës, Ademi , a.s., deri tek profeti i fundit i Zotit dhe i njerëzimit Muhamedi a.s.
Këto biografi autori u ka servuar lexuesve, në mënyrë që lexuesit t’i kenë në një botim modest dhe t’i lexojnë e t’i mësojnë, si dhe t’i dinë në pika të shkurtra këto biografi që nga lindja, veprimtaritë e tyre profetike, duke përçuar mesazhin dhe porosinë e Zotit të Madhërishëm për përhapje të feve, kur dihet se para këtyre profetëve, botën e kishte kapluar idhujtarizmi, dhe me ardhjen e tyre rendi botëror fetar ra ngadalë në binaret e veta, e sidomos me Profetin e fundit të mbarë njerëzimit Muhamedin s.a.s.
Dihet mirëfilli se kjo lëndë e shtruar në libër është nxjerrë nga librat e historisë së profetëve të Zotit, por puna e lavdëruese e autorit është që i ka nxjerrë dhe i ka tubuar në një libër si ky, duke u nisur sigurisht me renditjen e arsyeshme të profetëve sipas profecive të tyre.
Për t’iu shmangur gabimeve drejtshkrimore, autori është dashur t’ia besoj librin ndonjë lektori, në mënyrë që libri të del pa gabime. Po ashtu librit i mungon edhe shtëpia botuese, katalogimi, Isbn, barkodi dhe grupi redaktues, prej kësaj del se libri llogaritet si botim autori.
Libri ka 85 faqe dhe do të gjindet në bibliotekat tona dhe në duar të lexuesve…
/Nacionali/
No Comment