Inxhinieri i elektroteknikës z. Hysamedin Ahmeti për opinionin e gjerë njihet si mësimdhënës i cili jep lëndët e elektronikës në shkollën e mesme teknike “Presheva” në Preshevë, ai punon me përkushtim të madh në profesionin e tij, duke përgatitur breza të rinj në fushën e elektroteknikës si në aspektin teorik, po ashtu edhe në atë praktik.
Kjo u pa edhe në kohë të pandemisë COVID 19, i cili ishte i vetmi mësimdhënës, i cili kishte mbajtur mbi 50 njësi mësimore në platformën online, duke ua sqaruar mirë nxënësve të gjitha njësitë mësimore, të cilat i kishte me planprogram.
Hyska përpilues i teksteve
Përveç kësaj, inxhinieri Hyska siç e thërrasim ka bërë edhe përpilimin e disa teksteve të profesionit përkatës për nxënësit, në mënyrë që ta kenë më lehtë kuptimin e njësive mësimore me shembuj konkret dhe lirisht mund të themi se këto tekste që i ka përpiluar janë libra ndihmës me të cilat punon me nxënësit e tij.
Këto libra Hyska i ka përgatitur dhe shtypur me harxhimet personale, pra nuk i ka dalë në ndihmë asnjë institucion në mënyrë që ta ketë më të lehtë punën e tij të mëtutjeshme në vazhdimin e përpilimit të teksteve të profesionit përkatës, të cilat i bën me vullnet dhe me një përkushtim të veçantë.
Hyska deri më tani ka bërë disa libra, të cilat kanë rezulutar të suksesshme, duke patur parasyshë suksesin e arritur në procesin mësimor.
Tani Hyska në kohë Pandemie filloi ta punojë librin e radhës “Eketroteknika 1”, e cila së shpejti do ta sheh dritën e botimit, e që shpresojmë që gjatë vitit të ri shkollor, nxënësit të pajisen edhe me një tekst nga ky punëtor i palodhur në fushën e elektroteknikës dhe të elektronikës.
Ai deri më tani ka botuar: “Bazat e elektroteknikës 2”, “Elektronika 2”, “Bazat e dirigjimit automatik”, “Matje në elektroteknikë” dhe “Bazat e elektronikës”.
/Nacionali/
No Comment