“Uroj që të mos ketë raste të koronavirusit në Luginë …”
Nacionali: Si është gjendja e përgjithshme në Kosovë si pasojë e koronavirusit?
Dr. Amir Rexhepi: Në 11 shkurt 2020 Organizata Botërore e Shëndetësisë paraqiti një emër zyrtar për sëmundjen që po shkakton shpërthimi i koronavirusit të ri 2019, i identifikuar për herë të parë në Wuhan të Kinës. Emri i ri i kësaj sëmundje është sëmundja koronavirus 2019, shkurtuar si COVID-19.
Sa i përket situatës epidemiologjike me COVID-19 në Republikën e Kosovës, për momentin duket që është nën kontroll dhe në përmasa të menaxhueshme. Dy rastet e para të konfirmuara me COVID-19 në Republikën e Kosovës janë raportuar më 13 mars 2020. Deri më sot janë konfirmuar 71 raste , por fatkeqësishht 1 rast ka përfunduar me vdekje, i cili kishte edhe sëmundje të tjera bashkëshoqëruese kronike. Ndërsa, është raportuar se 1 rast ka rezultuar negativ në testimin e parë për COVID-19, gjë që është një lajm shumë i mirë dhe paraqet shpresë në luftimin e këtij virusi.
Nacionali: Cilat janë masat parandaluese? :
Dr. Amir Rexhepi: Tashmë është folur mjaft për masat parandaluese edhe në media. Përderisa bëhet fjalë për një virus të ri, për të cilin nuk ka ende mjekim specifik dhe as vaksinë kundër tij, atëherë mënyra më e mirë për të parandaluar sëmundjen është të shmangeni ekspozimin ndaj këtij virusi. Virusi mendohet se përhapet kryesisht nga personi në person.
• Midis njerëzve që janë në kontakt të ngushtë me njëri-tjetrin (më pak së 2 m).
• Nëpërmjet spërklave kur një person i infektuar kollitet ose teshtinë.
Prandaj, është e nevojshme t’i përmbahemi masave preventive, të tilla si:
- Qëndroni në shtëpi përveç nëse është e nevojshme për të marrë kujdes mjekësor:
- Njerëzit të cilët janë me simptomatologji të butë me COVID-19 janë në gjendje të izolohen në shtëpi gjatë sëmundjes së tyre. Ju duhet të kufizoni aktivitetet jashtë shtëpisë suaj, përveç marrjes së kujdesit mjekësor.
- Vishni një maskë fytyre nëse jeni sëmurë.
- Mbuloni me një faculetë kollitjet dhe teshtitjet tuaja.
- Larja e duarve:
- Të lahen duart shpesh me sapun dhe ujë për të paktën 20 sekonda, veçanërisht pasi të keni qenë në një vend publik, ose pasi të keni fryrë hundën, jeni kollitur ose keni teshtitur.
- Nëse sapuni dhe uji nuk janë të disponueshëm, përdorni një sanitizues dore që përmban të paktën 60% alkool.
- Shmangni prekjen e syve, hundës dhe gojës me duar të palara.
- Shmangni ndarjen e sendeve personale shtëpiake me të tjerët.
- Monitoroni simptomat tuaja dhë kërkoni ndihmë nëse ato përkeqësohen (p.sh., vështirësi në frymëmarrje).
- Shmangni kontaktin e ngushtë:
- Shmangni kontaktin e ngushtë me njerëzit e të tjerë që janë të sëmurë.
- Vendosni distancën midis vetes dhe njerëzve të tjerë nëse COVID-19 është përhapur nënë komunitetin tuaj. Kjo është veçanërisht e rëndësishme për njerëzit që kanë më shumë rrezik të sëmuren.
Nacionali: Në Luginë nuk ka të prekur me koronavirus, por në qytetin e Vranjës kemi shtatë të infektuar, a ka gjasa që gripi ta prek edhe Luginën?
Dr. Amir Rexhepi: Kemi të bëjmë me një pandemi, por unë uroj që mos të ketë raste me COVID-19 në Luginë të Preshevës.
Nacionali: Cili është mesazhi juaj drejtuar popullatës në Luginë të Preshevës?
Dr. Amir Rexhepi: T’i përmbahen sa më shumë që është e mundur rekomandimeve të instuticioneve shëndetësore, të qëndrojnë në shtëpi, të reduktojnë daljet përveç në raste emergjente, të mbajnë distancë sociale për 2m, të ushqehen shëndetshëm, të largojnë veset e këqija si pirja e duhanit apo alkoolit, të krijojnë një menu të aktiviteteve të vetë-kujdesit personal që u pëlqen, të tilla si të kalojnë kohë me miqtë dhe familjen, të ushtrojnë ose lexojnë një libër, të shtojnë kujdesin e shtuar sidomos për pacientët me sëmundje kronike, të mos përdorin barna të ndryshme pa konsultim me mjekun…
/Nacionali /
No Comment