PACIENTËT ME SËMUNDJE KRONIKE TË VETIZOLOHEN. NUK KA TË PREKUR ME KORONAVIRUS NË KOMUNËN E PRESHEVËS…
Nacionali :Si është gjendja faktike në shtëpinë e shëndetit në Preshevë, pas përhapjes së koronavirusit?
Dr. Sabit Sahiti: Momentalisht ne komunën e Preshevës deri me tani nuk është regjistruar asnjë person të jetë i testuar dhe të rezultojë pozitiv me corona virus/covid19/ ,por nuk dot thotë se ky lloj virusi nuk është prezent në territorin e komunës sonë. Pacientet që frekuentojnë në shtëpinë e shëndetit me simptomë respiratore, kollitje, temperaturë, dhembje të trupit, më së shpeshti kemi tek pacientat kronik siç janë –/astmatikët, spok-u, diabeti, hypertensioni, pacijentët me sëmundje malinje, dhe dialize/ kjo kategori është grupacion më i rrezikuar ndaj semundjeve virale, sezonale, për ate ne u sugjerojmë qe kjo kategori pacientesh të vakcinohen për gripin sezonal.Mirë po kur është fjala për corona virusin, nuk ka pas vakcinë kundrejt këtij virusi, sepse ky virus së pari herë është paraqitur në Kinë,vendin Vuhan, në mesin e nëntorit të vitit 2019, ku pacientët e parë kanë pasur simptome të ngjashme me gripin sezonal, por me disa simptome shtesë me dallime si për shembull, temeratura të larta, dhembje të fytit, kollitje, dhe me një evoluim dramatik me organet respiratore, edhe pse janë marrë masa adekuate simptomatike, vdekshmërinë e lartë kemi tek pacientat që janë prekur me këtë virus, sidomos moshatarët pleq mbi 80 vite, por edhe moshat më të reja që i takojnë grupit të riskut me semundje që i permendëm më herët. Tani kemi përhapjen në 2/3 me këtë virus në botë, e sidomos Evropa po e paguan haraçin e këtij virusi.
Nacionali: Ju punoni në repartin e pulmologjisë dhe njëra ndër shenjat e koronavirusit është edhe ndezja në mushkëri. Na thuani a keni pasur ndonjë rast që dyshohet me koronavirus?
Dr. Sabit Sahiti: Ne merremi ne repartin tonë me sëmundje respiratore dhe si zakonisht çdo vit në këtë kohë të vitit, kemi pacijenta me simptome te gripit sezonal, varësisht prej moshës dhe sëmundjeve kronike të pacijentit, klinikisht dhe me terapi behet trajtimi individual. Muajin e fundit kemi pasur 5 raste që kemi dyshuar në simptomet e corona virusit,i kemi dërguar në repartin e sëmundjeve infektive në Vrajë, ku pas testimit kanë dalë që janë te infektuar me virusin H1N1 sezonal, edhe pse rastet kanë qenë me ndezje te mushkërive, fatmirsisht 3 prej tyre jane ende ne spital dhe ne gjendje te mirë, kurse dy janë shëruar në kushte ambulatore-shtepiake.
Nacionali: Sa jeni të përgatitur në rast të lajmërimit të ndonjë rasti. Çfarë ndihme ju u ofroni pacientëve?
Dr. Sabit Sahiti: Sistemi shëndetësor në nivel shtetëror ka bërë përgatitjet të jashtëzakonshme në luftë ndaj corona virusit, është bërë mobilizim i gjitha niveleve të sistemit shëndetësor,si ate primar,sekundar dhe terciar, plus angazhimi i strukturave lokale, rajonale, shtetërore, që veët jeni dëshmitarë me shpalljen e gjendjes së jashtëzakonshme në gjithë teritorin e shtetit.Në kuadër të shtëpisë së shendetit, janë caktuar ekipet e kontrollit, trijazhës së pacijentëve, me një fjalë të gjithë kanë detyrat e caktuara për identifikimin, trajtimit e të sëmurëve në mënyrë adekuate.
Nacionali: Çfarë do t’u sugjeroni popullatës për këtë gjendje pandemie?Dr. Sabit Sahiti: Të moshuarit dhe kategoritë e pacijentëve që vuajnë prej sëmundjeve kronike të lartpermendura, duhet t’i ikin kontakteve me njerëz të tjerë, ata duhet të vetizolohen, ti përdorin barnat me rregull për sëmundjet që i kanë, ushqim vitaminoze, pemë e perime, te pinë uje sa më shumë, ta mbajnë higjienen individuale e sidomos pastrimi i duarve ,gjithashtu rëndësi të madhe ka edhe higjiena e përgjithshme e shtëpisë, banesave, të bëhen dezifektimet e hapësirave, të bëhet ajrosja e shpeshtë,si dhe gjendja morale-psiqike të jetë në nivelin e lartë pozitiv, ne këtë mënyreë do ta forcojmë imunitetin tonë, që edhe në rast infektimit me corona virus, do të jemi në gjendje të shërohemi shumë më lehtë.
No Comment