Deri më sot kam bërë 50 njësi mësimore me video-incizime…
Nacionali: Pas shpalljes së gjendjes së jashtëzakonshme në territorin e shtetit, u mbyllën edhe shkollat, pastaj u bë i detyrueshëm mësimi në distancë, çfarë mund të na thoni më tepër?
Hysamedin Ahmeti: Pas shpalljes se gjendjes së jashtëzakonshme dhe mbylljes së punës së shkollave, stafi i drejtorisë na obligoi neve mësimdhënësve që t’ i fillojmë përgatitjet për mësim në distancë. Meqë jam i profesionit të afërt me lëmin e teknologjisë informative për një kohë të shkurtër iu rreka adaptimit të podrumit tim që t’i fillojë mësimet përmes faqes së grupeve ku jap mësim edhe unë . Vlen të theksohet se në kuadër të shkollës sonë teknike për një kohë relativisht të shkurtër u formuan grupet klasore me nxënës dhe aresimtarë për fillim të mbajtjes së mësimit në distancë . Pasiqë lëndët që i ligjeroj unë e ato janë : “ Elektronika “ , “Matjet elektrike “, dhe “ Mesim praktik “ për nxënësit e klasave të dyta dhe të treta, drejtimi elektroinstalues dhe elektromontues dhe kanë ndërlidhje teoria dhe praktika me mirëkuptim të drejtorit, z. Telat Arifi i cili më mundësoi që t’ i marrë me vete, tërë mjetet laboratorike të shkollës për punë praktike në forme te instrumenteve te llojllojshme per matje te madhesive elektrike si dhe maketat per zhvillim praktik të njësive mësimore nga distanca.
Nacionali: A po keni vështirësi për të zhvilluar njësitë e parapara mësimore në distancë apo online?
Hysamedin Ahmeti: Realisht kur ke vullnet, guxim dhe pak dije, vështirësi nuk duhet me pasë .Kë to të tre komponentet nuk më kanë munguar dhe shumë shpejt fillova të bëjë njësi mësimore teorike me theks te posaçëm që ato t’i mishëroj me prezentim praktik, gjë që edhe deri në një masë mendoj se edhe e kam realizuar brenda këtyre dy muajve , por që po e vazhdoj edhe më tutje deri ne përfundim të vitit shkollor. Deri më sot kam bërë gati 50 njësi mësimore teorike dhe praktike me videoincizime. E nëse ndërkohë nuk na vjen informata të bëjmë ndoshta edhe ndonjë orë mësimore në shkollë për mbrojtje të diplomave apo përmirësime të notave.
Nacionali: I kemi përcjellur vazhdimisht orët mësimore në yutube, na thuani deri ku keni mbërritur dhe a po keni vështirësi në zhvillimin e tyre, meqenëse ju punoni në lokalin e shtëpisë suaj?
Hysamedin Ahmeti: Realisht jemi në epokën kur digjitalizimi është imperativ i kohës dhe deshtëm, s′deshtem duhemi të sfidohemi para saj. Një e mirë e kësaj është që të gjithë mësimdhënësit, por edhe ata më të moshuarit iu rreken punës me nxënës nga distanca . Dikush më profesionalisht e dikush më pak me dije për publikim të njësive mësimore përmes internetit. Mendoj se ka vlerësim pozitiv nga përkushtimi ynë, i stafit të mësimdhënësve, por përcjellja e nxënësve nuk ka qenë në nivel dhe mendoj se është dashur edhe ne më shumë me u angazhuar për gjetjen e ndonjë menyre që edhe ata t’i inkuadrojmë në përcjellje aktive të njësive mesimore .
Nacionali: Sa janë të interesuar nxënësit në përsëritjen e mësimeve apo të detyrave të shtëpisë?
Hysamedin Ahmeti: E thashë edhe më lart përcjellja e nxënësve nuk është e kënaqshme edhe pse sot çdo nxënës posedon celular më të mirë se që e kam unë dhe mundet shumë lehtë dhe shpejt me bërë përcjelljen e njësive mësimore, por edhe përgjigjet në pyetjet dhe detyrat qoftë në koment pas njësisë mësimore apo në msn . Kuptohet tërë kohën jam duke folur për veten time dhe të nxënësve ku unë ligjeroj se në kuadër të shkollës sonë janë edhe klasat e drejtimit të mjekësisë , komunikacionit, ekonomisë , makinerisë. te te cilat niveli i përkushtimit të nxënies dhe interesimit të nxënësve për dituri është shumë më i lartë.
Nacionali: Çka mendoni, kur do të krijohen kushtet që të ktheheni në shkollë?
Hysamedin Ahmeti: Sa jam në rrjedha ky vit shkollor do të kaloj kështu pa mësim të rregullt nëshkolle dhe , nëse nuk ndryshon diçka ndërkohë, por shpresoj se viti i ardhshëm shkollor, pra shtatori do të filloj mbarë dhe nxënësit do ta vijojnë mësimin në kushte të zakonshme normale.
/Nacionali/
No Comment