Inxh. Hysamedin Ahmeti- Hyska, botoi librin e tij të radhës të fushës së elektroteknikës, me titull “Bazat e përgjithshme të elektroteknikës”, botues, shb “Lena Prishtinë, 2022, fq. 500.
Ky libër do të jetë një mundësi për nxënie shtesë të diturisë në lëmin e elektroteknikës së përgjithsme për nxënësit e shkollave të mesme profesionale, si dhe për studentët e kësaj fushe shkencore.
Recensenti i librit, Dr.Sc.Izet Hoti, në pasthënien e tij shkruan:
HAPËRIMI NË NJË RRUGË TË NDRITSHME…
Ky libër që e kemi në duar tona, vjen i mveshur me bukurinë shkencore, siç janë Bazat e përgjithshme të elektroteknikës, i elaboruar me metodat më të avancuara shkencore.
Këtë me mjeshtëri të rrallë e realizoi, pedagogu me një përvojë shumëvjeçare në këtë fushë, prof. Hysamedin Ahmeti- Hyska. Motivi, vullneti dhe përkushtimi nuk i ka munguar në asnjë temë që ka trajtuar në libër, profesori shumëvjeçar i elektroteknikës.
Në librin e tij ka ngritur obelisk të pamohuar, duke trajtuar me serozitetin më të madh temat që janë me interes për lexuesin, studiuesin e kësaj fushe sa voluminoze aq komplekse.
Metodat e aplikuara gjatë strukturimit të temave me interes, janë të një niveli të lartë akademik. Andaj me plot të drejtë e themi se lexuesve të shkollave te mesme, madje edhe të atyre universitare nuk mund t’u ikë nga dora pa e shfytëzuar këtë matrial, që për mrekulli e ka sistemuar. Qofshin temat e trajtuara dhe mënyra se si i ka trajtuar, ku secila në vete ka një mesazh për lexuesin.
Pasqyrimi i formulave, skemave dhe figurave, si vlerë dhe metodë e konkretizimit të këtij libri i shtojnë vlerat shkencore padyshim për lexuesit, studiusit të këtij drejtimi shkencor të elektroteknikës. Forma se si u trajtua libri jep me kuptuar se autori është një pedagog me përvojë në drejtimin e elektroteknikës.
Sikur shtrirja e rrymës nëpër përçues, prof. Ahmeti, ka bërë strukturimin e temave me interes shkencor për çdo përdorues. Me kujdes të shtuar gjithmonë duke pas parasysh që lexuesit t’i jepet mundësi ta kuptojë lehtë, qartë lëndën e elektroteknikës, duke përdorur metodat e avansuara të konkretizimit gjatë trajtimit të temave, si: ilustrimet formulat, skemat, që e kanë përcjellur çdo temë të strukturuar në këtë libër.
Këtu më së miri kuptojmë gjuhën që ka trajtuar duke demonstruar profesionalizëm në një fushë siç janë në këtë rast: Bazat e përgjithshme të elektroteknikës .
Kur flasim për autorin e këtij libri shkencor, padyshim, flasim me mburrje se na kujtohen edhe libra të tjera të kësaj fushe, që nxorri në dritë, prof. Ahmeti. Guximin për t’ju përveshur kësaj pune profesionale, sfiduese, mjaft voluminoze, pa dyshim ia mundësoi përgatitja e tij profesionale prej një profesionisti me përvojë të gjatë në këtë fushë.
Me bindje të thellë e them se ky libër shkencor është përgatitur në një nivel mjaft të lartë, ku lexuesi i cili e merr në duar nuk do ta lëshoj lehtë dhe gjatë do ta ketë në kujtesen e tij.
Padyshim se do t’u hyjë në punë të gjithë atyre që janë përcaktuar të mësojnë, të studiojnë drejtimin e elektroteknikës, si një ndër drejtimet më komplekse që don mjaft angazhim, studim me përkushtim.
Autori gjatë gjithë punës së tij, ka qenë mjaft i kujdesshëm në shtrirjen e temave dhe trajtimin e tyre në mënyrë që lexuesi ta kuptojë thelbin e Bazave të përgjithshme të elektroteknikës.
Ky libër në vete përmbanë një matrial mjaft profesional, i cili do të shërbejë për gjeneratat të reja që merren me studimin e elektroteknikës. Matriali i cili u sturkturua në këtë libër shkencor në gjuhë shqipe, do ta plotësojë boshllëkun e librave të kësaj natyre.
Jam thellë i bindur që libri i prof. Ahmetit, do t’i kalojë kufijtë e hekurt që na ndajnë me shekuj dhe të zbres nga Presheva në Prishtinë.
Shpresoj se ky është një hapërim i autorit, në një rrugëtim të gjatë dhe të ndritshëm në fushë e shkencës, duke sjellur prurje të reja në Bazat e elektroteknikës.
Populli shqiptarë ngjason në masën e atomit dhe të gjitha librat duhet të jenë në të dyja anët e kufirit të padrejtë me shekuj, që një ditë s’do të ekzistojë si i tillë.
Profesorit dhe pedagogut i dëshirojmë suksese dhe shumë libra të kalibrit të lartë, si ky, të na sjellë para fëmijëve tanë që e ardhmja është në duart e tyre.
Vlen të theksohet se kohë më parë nga i njëjti autor, u përurua kompleti prej gjashtë librave nga profesioni i elektroteknikës dhe elektronikës.
/Nacionali/
No Comment