Sot në qytetin e Preshevës, rrugët kryesore të saj ishin mbushur me shitës të luleve, enkas për 8 Marsin –Ditën Ndërkombëtare të Gruas.
Tek këto pika të shitjes së luleve dhe të gjësendeve të tjera për të uruar nënat, gratë, motrat tona, ishin mbledhur shumë blerës të gjinive të ndryshme, të cilët blenin lule për më të dashurat e tyre, për t’ua uruar këtë festë meritore për gratë tona.
Pas inisitimit të gazetarit për të marrë ndonjë mendim lidhur me 8 Marsin, shumica e burrave dhe të grave ngurronin të flisnin, por i riu nga Presheva, duke dashur të ngelet anonim tha se kjo datë është me rëndësi për gruan, për të pasur të drejta të barabarta me burrat. Them se duhet të festohet, por për shkak të Pandemisë nuk ka ndonjë shënim si më përpara. Unë i bleva lule nënës sime, sepse ende nuk kam gjetur të dashur e t’ia uroj edhe asaj, shprehet i riu nga Presheva.
Për shkak të Pandemisë Covid 19 nuk do të ketë ndonjë organizim si përpara nëpër restaurante të shumta në Preshevë dhe rrethinë, por kjo festë do të shënohet individualisht dhe familjarisht…
/Nacionali/
No Comment