Java e Filmit të Kosovës në Bujanoc
Qendra Kinematografike e Kosovës në bashkëpunim me Këshillin Nacional Shqiptar dhe Shtëpinë e Kulturës, për vitin e dytë me radhë organizojnë Javën e Filmit të Kosovës në Bujanoc. Nga 20 deri më 24 dhjetor do të shfaqen katër filma të metrazhit të gjatë dhe dy të metrazhit të shkurtër të realizuar në vitet e fundit në Kosovë.
Java e filmit do të hapet me filmin e propozuar nga Kosova për çmimet OSCARS, “Zana” nga Antoneta Kastrati, dhe do të vazhdoj me filmin “Echo” nga Dren Zherka, “Pranverë e Paharruar në Fshatin e Harruar” nga Kushtrim Bekteshi, “Babai” nga Visar Morina, “Në mes” nga Samir Karahoda, dhe “Shok” nga Jamie Donoughue.
Filmat do të shfaqen në Shtëpinë e Kulturës çdo ditë nga ora 18:00 nën përkujdesjen e koordinatorit të projektit z.Nagip Tashi.
Programi:
20.12.2019 ora 18:00
“Zana”
Sinopsisi:
Filmi Zana është një dramë tronditëse dhe emocionuese që përcjellë një grua të re kosovare që përpiqet të bëhet nënë përderisa ballafaqohet me tmerret nga kaluara e saj e errët e kohës së luftës.
21.12.2019 ora 18:00
“Echo”
Sinopsisi:
Një histori e humbjes, vetmisë dhe një lidhje e pashprehur që i bashkon dy prindër në moshë, larg nga njëri-tjetri, përmes një aksidenti fatal. Një grua në Gjermani fillon udhëtimin dhe eksplorimin e jetës së emigrantes ilegale, dhe në vend të kësaj gjen dhimbjen dhe vetminë e saj; një njeri të moshuar në Kosovë që humbja dhe vetmia e kanë sjell në fund të udhëtimit të tij.
22.12.2019 ora 18:00
“Pranverë e Paharruar në Fshatin e Harruar”
Sinopsisi:
Jeta e qetë dhe e zakonshme e një fshati të harruar ndryshon dramatikisht kur tri prostituta mbërrijnë në kafenenë e fshatit.
23.12.2019 ora 18:00
“Babai”
Sinopsisi:
Disa vjet pas rënies së murit të Berlinit, një njeri largohet nga Kosova për në Gjermani. I biri që lë pas me këmbëngulje niset në një udhëtim të rrezikshëm për të gjetur babanë e tij.
24.12.2019 ora 18:00
“Në Mes”
Sinopsisi:
Filmi trajton dy tema paralelisht: fenomenin e ndërtimit të shtëpive të njejta dhe migrimin e cila veçmas theksohet nëpër këto familje. Nëpërmjet personazheve, portretizon marrëdhënien dhe solidaritetin në mes vëllezërve; sakrificën dhe vendosmërinë e prindërve për të mbajtur harmoninë brenda familjes; kuptimin dhe rëndësinë e shtëpisë dhe shpresës në mes kthimit apo jo në vendlindje.
dhe
“Shok”
Sinopsisi:
Gjate Luftës së Kosovës dhe gjatë pushtimit nga Serbia, dy shokë të rinj kosovarë gjejnë veten në një situatë që bëhet gjithnjë më e rrezikshme e cila ua teston miqësinë dhe vendosmërinë.
){kind=link}
No Comment