Ministri i Mjedisit, Planifikimit Hapësinor dhe i Infrastrukturës, në Kosovë Liburn Aliu, ka njoftuar se Serbia ka refuzuar kërkesën e tij dhe të disa ministrave të tjerë për ta vizituar Luginën.
Këtë Aliu, e ka bërë të ditur përmes një postimi në profilin e tij në rrjetin social Facebook, duke thënë se vizita e tyre u refuzua pak para nisjes.
Së bashku me të ishin edhe ministrat, Arbërie Nagavci, Hekuran Murati dhe Hajrullah Çeku.
Ndaj, këtij veprimi të Serbisë ka reaguar edhe deputeti shqiptar në parlamentin e Serbisë, Shaip Kamberi.
Përmes, një postimi në profilin e tij në Facebook, Kamberi ka shkruar se s’ka moment tjetër për veprim, sot ëhstë envoja, sot është edhe koha.
Sipas tij, Serbia mbetet i vetmi vend në rajon që me ligj kufizon lirinë e përdorimit zyrtarë të simboleve kombëtare
S’ka moment tjetër për veprim.
“RIGHT HERE, RIGHT NOW”.
Serbia nuk ka lejuar vizitën e sotme të katër ministrave të Qeverisë së Republikës së Kosovës në Luginë të Preshevës. Çfarë asimetrie të drejtash mes Luginës së Preshevës me serbët në Kosovë.
Serbia mbetet i vetmi vend në rajon që me ligj kufizon lirinë e përdorimit zyrtarë të simboleve kombëtare.
Si pasojë e kësaj, Lugina e Preshevës, sot, në festën më të madhe kombëtare, mbetet rajoni vetëm i banuar me shqiptarë që nuk mundet lirshëm të realizojë të drejtën dhe lirinë e përdorimit të simbolit kombëtar si pjesë të identittit kombëtarë.
Në këto rretha ndër më të rëndat nëpër të cilat po kalon, Lugina e Preshevës, ka nevojën si kurdoherë më parë për ndihmën shtetërore të Republikës së Kosovës dhe Republikës së Shqipërisë.
S,ka moment tjetër për veprim, sot është nevoja, sot është edhe koha!
No Comment