Karvani i shkritarëve i Luginës në vazhdën e aktiviteteve, ka vazhduar me organizimin e orëve letrare nëpër shkolla të Luginës dhe më gjerë. Kësaj radhe Karvani vizitoi katër shkolla të kësaj komune. Së pari Karvani vizitoi shkollën fillore “Ali Bektashi “ në Nesalcë, ku u pritën ngrohtësisht nga drejtori, personeli arsimor dhe nga nxënësit.
Poetët e Karvanit lexuan para nxënësve risitë e tyre poetike, bashkëbiseduan me ata.
Bilall Maliqi (kryetar), Nehat Ramizi, Hyrije Jusufi, Mustafa Ismaili, Nijazi Kastrati, Shaban Emini dhe Halim Hasani.
Mandej Karvani sipas programit të aktiviteteve, vizitoi shkollën fillore “Sami Frashëri “ në Lluçan, ku u pritën nga drejtori i shkollës, arsimtarët dhe nxënësit e kësaj vatre edukative dhe arsimore. Poetët pasi u prezentuan nga kryetari i Shoqatës, vazhduan të lexojnë poezitë e tyre të zgjedhura enkas për këtë orë letrare. Poezitë ishin nga më të ndryshmet, pra kishte një kolorit të poezive nga poetët e pranishëm.
Drejtori i shkollës ndau mirënjohje për të gjithë poetët dhe për Shoqatën e Shkrimtarëve “Feniks”.
Pati edhe lexime dhe deklamime poezish edhe nga nxënësit e kësaj shkolle.
Po në këtë ditë Karvani vizitoi edhe shkollën fillore “Muharrem Kadriu” në Tërrnoc. Edhe në këtë shkollë u pritëm ngrohtësisht nga drejtori i shkollës, personeli arsimor dhe nga nxënësit. Poetët si në shkollat tjera edhe në këtë shkollë lexuan vargje të ngrohta poetike para nxënësve, por edhe nxënësit lexuan dhe recituan vjersha para poetëve të pranishëm.
Edhe drejtori i shkollës “Muharrem Kadriu” në Tërrnoc ndau mirënjohje për Shoqatën e Shkrimtarëve “Feniks” për bashkëpunim dhe për poetët: Hyrije Jusufi dhe për Mustafa Imailin.
Këto orë letrare kishin karakterin edukativ dhe nxitës që nxënësit të merren me shkrime dhe në të ardhmen të bëhen poetë dhe të bëhen pjesë e Shoqatës së Shkrimtarëve “Feniks”.
Edhe pse në kohë Pandemie, Karvani i Shkrimtarëve i Luginës, arriti t’i përmbush aktivitetet e saj nëpër shkolla të Luginës dhe më gjerë…
/Nacionali/
No Comment