Për nder të 8 Marsit- Ditës së Gruas, Karvani i Shkrimtarëve i Luginës e vizitoi shkollën e mesme të ulët “Mihail Grameno” (Aneksi i ri) e cila shkollë së shpejti do të emërohet me emrin e Akademikut, Idriz Ajeti. Në këtë shkollë Karvani u mirëprit nga nxënësit dhe profesorët e kësaj shkolle.
Kryetari, Bilall Maliqi, pasi ua uroi 8 Marsin profesoreshave të pranishme, foli per Shoqatën, historikun e saj në pika të shkrutra dhe për 8 Marsin. Më pastaj i prezantoi poetët anëtarë të Sh.Sh. “Feniks”, të cilët mandej lexuan poezi para nxënësve të pranishëm.
Në këtë orë letrare morën pjesë: Bilall Maliqi, Mexhid Mehmeti, Ismet Bajrami, Linda Shaqiri, Fehmi Ramadani, Rexhep Abazi dhe Hajrush Redenica.
Pati lexime të poezive nga nxënësit, poezi autoriale dhe recitime të poezive të shkrimtarëve shqiptar: Altuna Hyseni, Lorena Morina, Rita Xhemajli, Olsa Sadullahu, Olsa Ferizi, Genc Beka, Vanesa Limani, Lejla Miftari etj.
Shoqata e Shkrimtarëve “Feniks (Preshevë, Bujanoc dhe Medvegjë) i ndau mirënjohje shkollës për bashkëpunim. Edhe shkolla po ashtu i ndau Shoqatës mirënjohje për bashkëpunim.
Në fund, për të pranishmit u shtrua një koktel.
/Nacionbali/
No Comment