Karvani i Shkrimtarëve i Luginës, për nderë të 21 Marsit-Ditës Botërore të Poezisë mbajti aktivitet në Gjimnazin “Skënderbeu” në Preshevë. Në këtë shkollë, poetët u pritën ngrohtësisht nga profesorët e shkollës, z. Ismet Ferati dhe z. Llukamn Misini, si dhe nxënësit e kësaj shkolle.
Profesorët u dëshiruan mirëseardhje poetëve të Karvanit, ndërsa për këtë datë me rëndësi për poezinë si dhe për rëndësinë e mbajtjes së orëve letrare nëpër shkolla të Luginës së Preshevës dhe më gjerë, foli kryetari i Shoqatës, Bilall Maliqi.
Në këtë orë letrare morën pjesë dhe lexuan: Bilall Maliqi, Avni Shaqiri, Emine Murseli, Valbona Hasani, Maida Salihu dhe Rumejsa Jakupi.
Pati recitime poezish edhe nga nxënësit e kësaj shkolle.
Në fund, shkrimtari, Bilall Maliqi, i dhuroi bibliotekës së kësaj shkolle, 20 tituj librash nga biblioteka e tij personale.
/Nacionali/
No Comment