Karvani i Shkrimtarëve i Luginës vizitoi shkollën fillore “Selami Hallaçi” në fshatin Rahovicë, ku u mirëprit nga drejtori i shkollës, z. Amir Sylejmani, nga arsimtarët dhe nga nxënësit e ciklit të lartë shkollor.
Për rëndësinë e Karvanit, foli kryetari i Shoqatës së Shkrimtarëve “Feniks”, Bilall Maliqi, i cili shpjegoi në pika të shkurtra rëndësinë e mbajtjes së orëve letrare nëpër shkollat e Luginës dhe më gjerë.
Në këtë orë letrare morën pjesë dhe lexuan: Bilall Maliqi, Emine Murseli, Ramize Halimi dhe Maida Salihu.
Pati edhe deklamime të poezive nga nxënësit e kësaj shkolle.
Po këtë ditë, Karvani vizitoi edhe paralelen e ndarë të Entit Parashkollor “8 Marsi” në Rahovicë, ku u mirëprit nga edukatoret dhe parashkollorët. Në këtë orë letrare poetët lexuan poezi për të vegjëlit.
Pati edhe recitime të poezive nga parashkollorët.
/Nacionali/
No Comment