KF Tërnoci dhe KF Lugina më të mirët e rrethit të Pçinjës

Me nga 18 gjegjësisht 14 pikë , ekipet shqiptare në futbollin rajonal të rrethit të Pçinjës po kryesojnë tabelën.

Edhe pse në kohë pandemie dhe në kushte të vështira, po zhvillohen ndeshjet e sezonit 2020/21 të rrethit të Pçinjës, ku ekipet shqiptare po tregojnë se janë shumë më të mirë se kundërshtarët.

Kf Tërnoci që nga fillimi i sezonit nuk ka shënuar ende asnjë humbje me statistika shumë të mira,ku po kryeson tabelën. Ky ekip nga 6 ndeshje të zhvilluara ka fituar të 6-tat me golavarazh +23.

Pas KF Tërnocit,  në vendin e 2-të qëndron KF Lugina e cila nga 6 ndeshje ka 4 fitore dhe 2 barazime.

Viteve të fundit këto ekipe kanë treguar një nivel të lartë të përgatitjes, por që nuk po arrijnë të ngjiten në një ligë më lart.

Shpresojmë që ky sezon do jetë ndryshe  për djemtë tanë.

/Nacionali/