Përmes një postimi në faqen e facebook, Këshilli Kombëtar Shqiptar ka njoftuar se gjatë ditës së sotme është bërë riatdhesimi i 36 studentëve shqiptar nga Turqia.
Postimi i plotë
“Pas një pune dhe angazhimi të jashtëzakonshëm, sot 36 studentët e Luginës kanë arritur në Beograd, ata që nuk kanë asnjë simptomë, do të shkojnë në vetizolim në shtëpitë e tyre- dhe jo në karantinë.
Shumë shpejt me autobusin e siguruar nga Komuna e Bujanocit e me iniciativë të Këshillit Kombëtarë Shqiptarë, ata do të nisen nga Beogradi në drejtim të Bujanocit dhe të Preshevës.
Falënderimet e veçanta për të gjitha institucionet përgjegjëse, të komunës së Bujanocit, për përkushtimin për t’i kthyer studentët nga Turqia.
Po ashtu mirënjohje për përkrahjen e Trupit Koordinues, Ministrive përgjegjëse dhe të gjithë atyre që u angazhuan.
Një mirënjohje dhe falënderim studentëve për durimin dhe bashkëpunimin e treguar gjatë këtyre ditëve “ ka përfunduar shkrimi.
Këshilli Kombëtar Shqiptar ishte i involvuar me organet përkatëse për kthimin e këtyre studentëve.
Vlen të theksohet se të gjithë studentët do të kthehen në shtëpitë e tyre dhe do t’i nënshtrohen vetizolimit për 28 ditë, në mënyrë që t’i ikin infestimeve të mundshme nga Pandemia, sepse edhe ata janë kthyer nga një shtet i prekur nga virusi korona…
/Nacionali/
No Comment