Kryetari i Këshillit Kombëtar Shqiptar , z, Ragmi Mustafa, dje, pasi kishte realizuar një vizitë në komunën e Medvegjës, ku shpërndau libra shkollorë shkollarëve të kësaj komune, ai, kishte zhvilluar një takim pune me kryetarin e komunës së Medvegjës, z. Nebojsha Arsiq.
Ndër tema të bisedës me kryetarin Arsiq ishte edhe hapja e një zyreje të KKSH-së në këtë komunë ku qytetarët shqiptar të kësaj pjese të jenë të ndërlidhutr me këtë zyre, përkatësisht me organin më të lartë përfaqësues në shtet.
Kryetari Mustafa pasi mbaroi takimin me kryetarin Arsiq në faqen e tij në fb. shkruan:
“Dje kam realizuar një vizitë në Mevdegjë, ku kam takuar edhe kryetarin e Komunës, z.Nebojsha Arsiq.
Bashkëbiseduam për një mori temash me të cilat ballafaqohen qytetarët, sidomos çështjet e pasivizimit të vendbanimeve, investimet dhe gjithëpërfshirjen në vendimmarjen e qeverisjes lokale.
Qartë shihet se Medvegja është lënë pasdore nga ana e Qeverisë Republikane, gjë që po ndikon në thellimin e varfërisë, papunësisë dhe pabarazive politike e sociale.
Kësisoj, Këshilli Kombëtar Shqiptar ka vendosur që të hapë së shpejti zyrën e tij në Medvegjë, jo vetëm për të qenë më afër me shqiptarët e kësaj komune, por edhe si shembull që duhet ndjekur nga ana e institucioneve vendimmarrëse shtetërore, për t’i zgjidhur problemet e shumta politike, sociale, ekonomike, shëndetësore, arsimore etj.
Medvegja kërkon qasje, prani dhe përfshirje të veçantë nga ana e organeve qeveritare të nivelit rajonal dhe republikan. Problemet janë të shumta. Ato nuk mund të zgjidhen vetëm nga pushteti lokal.
Është përgjegjësi e shtetit që të kujdeset për të drejtat dhe për mirëqenien e shtetasve të tij, sidomos të vendbanimeve më të pabarabarta”.
Kujtojmë që hapja e zyrave të Këshillit Kombëtar Shqiptar në Medvegjë dhe Preshevë ishte edhe njëri ndër zotimet e këtij institucioni pas marrjes së detyrë nga udhëheqësia e re…
/Nacionali/
No Comment