Kryetari i KKSH-së z. Ragmi Mustafi, vazhdon me postimet e tij, lidhur me diskriminimet e panumërta që po ua bënë shteti shqiptarëve të Luginës së Preshevës, si në përfaqësim, po ashtu në punësim.
Kësaj radhe kryetari u ndal në aspektin e shëndetësisë ku paraqet një mal të padrejtësive që po u bëhet shqiptarëve në punësim, në shëndetësi.
Ky është postimi i kryetarit në rrjetin social te fb-së
FAKTE NË NUMRA!
Në Serbi nuk drejton asnjë institucion shëndetësor asnjë shqiptar që nga 9 Maji i vitit 2021 me shkarkimin e drejtorit të shtëpisë së shëndetit në Preshevë. Përderisa në Medvegjë nuk është angazhuar asnjë shqiptar në sistemin e mbrojtjes shëndetësore.
Në shëndetësinë primare në Preshevë, Bujanoc dhe Medvegjë janë të punësuar 268 shqiptar nga 570 apo ndryshe të përfaqësuar me 47% në rajonin e predominuar nga shqiptarët tradicionalisht.
Spitali më afërt për Bujanocin është mbi 18 km, për Preshevën rreth 47km, e me rreth 46 km për Medvegjën, ku nuk ka të punësuar as pastrues shqiptar.
Edhe pse me neni 23 të Ligjit për Mbrojtjen Shëndetësor theksohet se “Parimi i aksesueshmërisë në kujdesin shëndetësor nënkupton ofrimin e kujdesit adekuat shëndetësor për qytetarët, i cili është fizikisht, komunikativisht, gjeografikisht dhe ekonomikisht i aksesueshëm, gjegjësisht i pranueshëm kulturalisht dhe veçanërisht për personat me aftësi të kufizuara.”
Për shkak të mungesës së shërbimeve të specializuara shëndetësore, shqiptarët kanë kërkuar Spital për Luginën e Preshevës me “Planin 7 pikësh”.
/Nacionali/
No Comment