Komuna e Bujanocit e përgtatitur për mirëmbajtjen e rrugëve gjatë stinës së dimrit

Kryeshefi i departamentit për Investime dhe zhvillim Rahim Salihi theksoi se komuna është e gatshme dhe ka marrë të gjitha masat e nevojshme për ndërhyrje në pastrimit dhe mirëmbajtjen e të gjitha rrugëve të komunës së Bujanocit gjatë sezonit dimëror.
Sipas tij kompania e kontraktuar për përkujdesjen dhe pastrimin e rrugëve gjatë sezonit dimëror për vitin 2020 është kompania Saba Bellça.
Salihi theksoi po ashtu se “edhe Shtabi për situata të jashtëzakonshme ka aprovuar edhe planin e rrugëve me prioritet që do të mirëmbahen në kohë kur ka reshje bore, ku këtu bëjnë pjesë të gjitha rrugët kryesore përfshirë këtu edhe sigurimin e qasjes së qytetarëve në institucinet shtetërore si shkollat, shtëpit e shëndetit dhe institucionet tjera”.
“Ne si komunë i kemi përfunduar të gjitha procedurat e nevojshme për të qenë të gatshëm të reagojmë në momente që krijohen vështirësit e qarkullimit të lirshëm të qytetarëve të komunës së Buajnocit”, u shpreh Salihi.