Në Republikën e Kosovës, mungojnë gazetat ditore, pra, asnjë gazetë e shtypur nuk del në treg. Kjo vjen si pasojë e mungesës së mjeteve material për botimin e gazetave dhe se shteti nuk ndan mjete për botimin e tyre.
Për këtë të gjitha këto shtëpi informuese gazetareske janë detyruar që ato gazeta t’i shndërrojnë në Portale, të cilat lexohen nga lexuesit, dhe mbijetojnë falë ndonjë reklame të mundshme, me numër të kufizuar të stafit gazetaresk.
Përderisa në Republikat tjera ka dy ose më tepër gazeta që dalin çdo ditë për lexuesit, madje me çmim shumë të volitshëm, në Kosovë janë mbyllur, e tani shtrohet , a nuk ka mundësi Ministria përkatëse, bile një gazetë ditore ta financojë e t’i vijë “era” shtet që ka informim të përditshëm me kopje fizike?!
Përgjigja është fare e lehtë! Ka mundësi, por neglizhenca dhe mosinteresimi e ka bërë të veten që ndoshta i vetmi shtet në ballkan nuk ka asnjë gazetë ditore në treg.
I njëjti problem është edhe me Luginën e Preshevës, e cila nuk ka gazetë as mujore. Revista Nacionali, organ i KKSH-së, ka kohë që nuk botohet në kopje fizike, për shkak të mungesës së mjeteve fianciare dhe mos ndarje të mjeteve për informim të pakicave kombëtare në Serbi.
Kopja fizike e gazetës!
Kopja fizike e gazetës është më e arsyeshme, më e shëndetshme për lexim dhe për ruajtje të ndonjë shkrimi eventual, që lexuesi don ta ruaj në arkivin e tij personal.
Informimi është një shtyllë shumë e rëndësishme si për shtetin, po ashtu edhe për shoqërinë, prandaj shteti duhet sa më parë që është e mundur ta zgjedh një gazetë ditore që ta financojë dhe gazeta të tjera serioze që me aplikimet e tyre do të përfitojnë nga shteti, e t’i kthehemi leximit fizik dhe praktik të gazetave siç ishin më parë gazetat: Zëri, Epoka e Re, Koha Ditore Bota Sot, Bota Press, Kosova Sot e disa të tjera, të cilat çdo mëngjes i shihnim nëpër qoshqe ku shiten gazetat ditore.
Ndërsa në Luginë të Preshevës: revistat Nacionali, Perspektiva, Jehona dhe revista për fëmijë dhe të rinj” Shpresat”
Shpresojmë se një ditë në Kosovë gazetat ditore, kurse në Preshevë bile revista mujore “Nacionali” dhe revista për fëmijë “Shpresat”, prapë do të dalin në treg për lexuesit, në mënyrë që të kthehet imazhi praktik i marrjes dhe i leximit të gazetave nga lexuesit, të cilët kanë dëshirë t’i lexojnë dhe t’i ruajnë në arkivat e tyre personale…
Bilall Maliqi
No Comment