Kryetari i Këshillit Kombëtar Shqiptar z. Ragmi Mustafa, pati një intervistë në “Top Chanel” ka folur rreth të drejtës së përdorimit zyrtar të flamurit dhe simboleve kombëtare për shqiptarët në Serbi.
Ai ndër të tjera theksoi se përkundër gjobave nga 500 deri në 5000 euro nga ana e shtetit serb që na kanë gjobitur, ne nuk do të zbrapsemi.
Në pyetjen se a do të bëhet si në Mal të Zi, ku në atë shtet lejohet përdorimi i flamurit kombëtar, ai u përgjigj se në Serbi kjo nuk është, edhe pse në ish-Jugosllavi ka qenë i lejuar flamuri ynë.
Në ish –Republikat Jugosllave, lejohet përdorimi i flamurit kombëtar i pakicave nacionale, kjo në Serbi nuk vlenë.
Ai më tej lavdëroi dhe falënderoi Republikën e Shqipërisë, përkatësisht ministren e arsimit për tekstet shkollore për nxënësit shqiptar si dhe sigurimin falas të teksteve.
Ai foli edhe për vizitat e Ministrave nga Republika e Kosovës, z. Selimi dhe zonjës Meliza Haradinaj në Luginë të Preshevës.
Po ashtu tha shtoi se tani do të presim edhe mbledhjen e dy Qeverive tona dhe ndihmën për shqiptarët e Luginës…
Video :
/Nacionali/
No Comment