Nagip Arifi, Shqiprim Musliu dhe Enver Ramadanin, sot zyrtarisht i morën përsipër detyrat e ndara të komunës së Bujanocit, pasi ata morën 25 vota të këshilltarëve në seancën e Asamblesë Komunale të mërkurën.
Arifi, pasi mori postin nga kryetari i mëparshëm Shaip Kamberi, për të cilin ky është mandati i 4-të, tha se ribalancimi i buxhetit komunal do të jetë një përparësi në ditët në vijim në mënyrë që të shpërndahen pagat tek punonjësit.
Ai njoftoi shtrëngimin e disiplinës për punonjësit e administratës komunale.
Shqiprim Musliu, i cili tanimë ka postin e zv. kryetarit të komunës në llogarinë e tij shkruan:
“Pas konstituimit të institucioneve komunale javës së kaluar, sot filluam detyrën e re, e periudhën e re.
Si zv.Kryetar i komunës së Bujanocit do të bëj përpjekje në avancimin e të drejtave tona kombëtare si dhe në përmirësimin e jetës së qytetarëve tanë.
Ky ishte mision i ish-liderit të LPD-së z.Jonuz Musliut, e do të jetë mision dhe vizion i politikave tona për një jetë më të mirë në Bujanoc.
Betejat tona nuk do të ndalojnë, sepse ato janë frymëzimi jonë.
Faleminderit të gjithëve për mbështetjen që na keni dhënë gjatë gjithë kohës. E uroj që së bashku të punojmë për të ndërtuar të ardhmen tonë të përbashkët.
Ndërsa kryetari i ri i Kuvendit komunal të Bujanocit, sot e mori detyrën nga Dr. Adnan Salihu, të cilin e falënderoi për kontributin e dhënë në mbarëvajtjen e seancave të kuvendit komunal të Bujanocit në përbërjen e kaluar.
Ai po ashtu në fb. shkruan :
“Bujanoci është i të gjithëve pa dallime fetare, etnike a politike. Andaj edhe do të jetë në shërbim të të gjithëve.
Kjo më jep të drejtë të kërkoj e të i ftojë të gjithë që të gjejmë forcën dhe guximin, për të tejkaluar paragjykimet dhe të angazhohemi konform vullnetit e aspiratës politike të bashkëqytetarëve tonë.
Adresa e stagnimit është Beogradi, adresa e zgjidhjes është Bujanoci.
/Nacionali/
No Comment