Të nderuar dashamirë të poezisë dhe të fjalës së shkruar poetike, anëtarë të Shoqatës së Shkrimtarëve “Feniks” (Preshevë, Bujanoc dhe Medvegjë) dhe ju konkurrues në konkursin e hapur letrar, ju njoftoj se për shkak të gjendjes së rënduar, shkaku i pandemisë COVID 19 nuk do të mbahet ora letrare me pjesëmarrje fizike të publikut, e paraparë për datë 28 nëntor 2020, por Manifestimi është zhvilluar online me anë të konkursit të hapur letrar enkas për këtë Manifestim, ku për vendin e parë dhe çmimin për inkurajim kanë konkurruar shumica e poetëve nga Shoqata e Shkrimtarëve “Feniks”, për të cilat punime juria profesionale tanimë ka vendosur për dy çmime letrare.
Të nderuar dashamirë të poezisë aktiviteti pa pjesëmarrje të publikut do të zhvillohet të shtunën, më 28 nëntor 2020, prej orës 11.00, në lokalet e Bibliotekës së Qytetit “Mehmet Jusufi” në Preshevë, në masa të rrepta të sigurisë, ku pjesëmarrës do të jetë kryetari i Shoqatës së Shkrimtarëve “Feniks”, i cili në emër të jurisë do t’i publikojë rezultatet e konkursit letrar, studiuesi Mr.sc. Reshat Neziri, i cili në cilësinë e studiuesit do ta lexojë kumtesën historike lidhur me tribunën historike, e cila është në kuadër të Manifestimit letrar “Nëntorët e lavdisë”, dy fituesit e dy çmimeve, dhe portali “Departamenti”, i cili do ta transmetojë drejtpëdrejtë manifestimin. Pra të pranishëm do të jenë vetëm pesë persona, aq sa edhe është e lejueshme, por me masa të parapara, të pajisur me maska të sigurisë dhe me distancë të duhur fizike.
Mirënjohjet e fituesve, mirënjohjet për kontribut, për bashkëpunim, certifikatat për pjesëmarrje, bexhat, notesat dhe lapsat, pjesëmarrësit tjerë do t’i marrin ditëve në vazhdim, kur të krijohen kushte të favorshme për takime.
Për këtë manifestim, projektin e Shoqatës “Feniks” e ka mbështetur komuna e Preshevës, të cilën e falënderojmë për përkrahje të vazhdueshme…
Bilall Maliqi, kryetar
/Nacionali/
No Comment