Libër me përkushtime poetike për Akademik Idriz Ajetin…


Zëvendës kryetari i Shoqatës së Shkrimtarëve “Feniks” (Preshevë, Bujanoc dhe Medvegjë), poeti Rexhep Abazi, ka nisur një iniciativë të mirë dhe mjaft të qëlluar që në vigjilje të një vjetorit të vdekjes së Akademikut tonë të shquar Idriz Ajeti, ta botojë një përmbledhje me përkushtime poetike kushtuar këtij kolosi të madh të popullit shqiptar.

Ai përmes njoftimit, bën të ditur edhe afatin kohot të mbledhjes së poezive dhe adresën elektronike ku do t’i tubojë poezitë dhe mandej ta botojë këtë libër të veçantë për këtë intelektual të madh të kombit.

Në njoftimin e tij thuhet:

Të nderuar miqë poetë e poetesha të trojeve shqiptare!

Kaloi një vit nga vdekja e Akademikut të madh shqiptar Idriz Ajetit i cili bëri shumë për kombin dhe kulturën e tij.

Akademiku u lind në fshatin Tupallë të Medvegjës në vitin 1907 dhe vdiq në Prishtinë në vitin 2019.

Ishte njeri i cili më se një shekull jetoi e punoi për kombin.

FTOJ dhe lus të gjithë poetët e interesuar që me vargjet e tyre ta përjetësojnë figurën e këtij kolosi shqiptar.

Poezitë të dërgohen në e-mail adresën:

rexhepabazi8@gmail.com

prej datës 2 nëntor 2020 deri me 2 dhjetor 2020.

Poezitë do të nxiren në një botim të përbashkët me moton: Një vit pa Ty, përjetësisht me veprat Tua!, ashtu siç ishte edhe Akademiku i gjithë shqiptarve dhe trojeve etnike.

/Nacionali/

Previous Sulmi terrorist në Vjenë që tronditi botën, krejt çka dihet deri më tani
Next Nga e mërkura nis Festivali tradicional “Ditët e Komedisë Shqiptare” në Preshevë

No Comment

Leave a reply

Your email address will not be published. Required fields are marked *