Gjatë ditës së sotme Kuvendi i Republikës së Kosovës ka zgjedhur ekzekutivin e ri në krye me të nominuarin për kryeministër, z. Albin Kurtin.
Pas kësaj ngjarje, liderët e partive politike të Luginës së Preshevës nuk kanë ngurruar të urojnë Albin Kurtin në zgjedhjen në krye të qeverisë së re të Republikës.
Më poshtë ju sjellim urimet e disa prej liderëve të partive politike të Luginës së Preshevës drejtuar kryeministrit të ri të Kosovës, z. Albin Kurtir
Shaip Kamberi, kryetar i PVD-së
Ragmi Mustafa, kryetar i PDSH-së
I dashuri Kryeministër : Kurti,
Më lejoni që në emrin tim dhe në emër të Partisë Demokratike Shqiptare, të ju përgëzoj me rastin e zgjedhjes suaj Kryeministër i Republikës së Kosovës.
Ju shpreh mirënjohjen më të thellë për mbështetjen dhe bashkëpunimin e vazhdueshëm që keni treguar ndaj Luginës së Preshevës dhe qytetarëve të saj në të gjitha proceset nëpër të cilat kemi kaluar.
Republika e Kosovës është edhe shteti Ynë.
Jam i bindur që bashkëpunimi ynë i ngushtë do të vazhdoj dhe në të ardhmen, në përmbushjen e qëllimeve tona të përbashkëta.
Shprehë bindjen time më të thellë se me gjithë përkushtimin Tuaj dhe të ekipit bashkëveprues në teren, do të realizoni përcaktimet programore që padyshim do të kontribuojnë në zhvillimin e mëtejmë të shoqërisë dhe ngritjen e standardeve jetësore.
Ne jemi takuar dhe kemi diskutuar gjërë e gjatë duke këmbyer mendime për zhvillimet politike, sfidat dhe qëllimet tona të përbashkëta.Ju e dini se PDSH angazhohet për jetsimin e Referendumit të 1 e 2 Marsit 1992 për bashkimin e Preshevës, Medvegjës e Bujanocit me Republikën e Kosovës. Prandaj presim mbështetjen e Qeverisë Tuaj në këtë rrugëtim tonë politik.
Duke ju uruar zgjedhjen Tuaj për Kryeministër të Republikës së Kosovës,në emrin tim personal dhe në emër të Partisë Demokratike Shqiptare, uroj për një bashkëpunim të ndërsjellë, gjë që do të kontribuonte shumë në ecjen e proceseve përpara.
Me dëshirat e mia më të sinqerta për suksese të mëtejshme, ju lus, i nderuar Kryeministër, të pranoni ndjenjën e konsideratës sime më të lartë!
Ardita Sinani, kryetare e degës së PVD-së në Preshevë
Republika e Kosovës sot dëshmoi se është shembull e model për rajonin e më gjerë.
Sot, dëshmoi që ka arritur pikën kulminante të shtetndërtimit dhe se është e gatshme për shtetforcim.
Çdo arritje shtetërore e Republikës së Kosovës, reflekton shpresë dhe pozitivitet në Luginë të Preshevës.
Pa dyshim se për një proces të tillë demokratik, kontributin kryesor e dhanë të gjitha subjektet politike pa dallim, të cilat dëshmuan që janë të gatshme të pranojnë me maturi vullnetin e votuesve, por edhe vendimet e subjekteve politike të cilat kishin barrën e marrjes së përgjegjësive.
Jam e bindur se qeveria e sapo formuar në Republikën e Kosovë do të ketë forcë të ballafaqohet me problemet e rënda ekonomike dhe do të arrijë e konsoliduar të vazhdojë dialogun me Serbinë.
Çështjen e shqiptarëve të Luginës ta vendos në prioritet dhe të jetë pjesë e dialogut, pikërisht për shkak të degradimit të skajshëm të pozitës së shqiptarëve në Serbi. Të respektohet vullneti i popullatës shqiptare i shprehur me Referendumin e 1 dhe 2 marsit të vitit 1992.
Urime Kryeministër z. Albin Kurti!
Urime e nderuar znj. Vjosa Osmani!
Urime Kosovë!
Fat e mbarësi!
Shqiprim Arifi, kryetar i APN-së
Më 6 tetor 2019 sovrani dha verdiktin për ndryshim në Republikën e Kosovës, ndërsa sot ky ndryshim u institucionalizua me konstituimin e Qeverisës së re të Republikës së Kosovës dhe zgjedhjen e Albin Kurtit për Kryeministër.
Kryeministrit Kurti i urojmë udhëheqjen me Qeverinë e re të Republikës së Kosovës, duke i dëshiruar punë të suksesshme në proceset e zhvillimit të vendit, si dhe zgjidhjen e çështjeve që kanë të bëjnë me paqen, drejtësinë dhe prosperitetin e vendit.
Shpresojmë që Lugina e Preshevës gjithashtu të zë pozitën e merituar të përkujdesit dhe përkahjes institucionale, me qëllim të avancimit të të drejtave dhe statusit të Shqiptarëve në Luginë.
Urime Kosovë!
Nagip Arifi, kryetar i PD
Urime Albin, posti i Kryeministrit!
Urime Kosovë, Qeveria e re!
Të vetëdijshëm për proceset shumë të rëndësishme që po e presin Kosovën dhe shqiptarët mbrenda e jashtë saj, angazhimi dhe kryerja e detyrës me përkushtim të lartë jep shpresë se çdo sfidë do të tejkalohet në favorin tonë.
Uroj që Qeveria e re të jep maksimumin për të punuar sa më intenzivisht dhe që fjalët e dhëna të shëndrrohen vepra në realitet.
Urime Kosovë!
/Nacionali /
No Comment