Deputetët e sapozgjedhur nga lista “Alternativa Demokratike Shqiptare – Lugina e Bashkuar” do të shkojnë në konsultat e nesërme me Presidentin e Serbisë, Aleksandar Vuçiq, për përbërjen e qeverisë së re.
Përfaqësuesit e partive politike shqiptare nga Presheva dhe Bujanoci, të cilat garuan në zgjedhjet e fundit parlamentare me një listë të vetme, u takuan të hënën në Preshevë, sipas një prej liderëve politikë, Shqiprim Arifi, “për të rënë dakord për hapat për ditët e ardhshme dhe kërkesat e përbashkëta”, para takimit me Vuçiq.
Shpresoj që të respektohen të drejtat e shqiptarëve, si dhe angazhimi maksimal i deputetëve tanë – deklaroi Arifi, kryetari i komunës së Preshevës dhe drejtuesi i Alternativës për Ndryshim.
Lista shqiptare, e udhëhequr nga Shaip Kamberi, kryetari i partisë më të madhe që mbledh shqiptarët në Serbi – Partia për Veprim Demokratik (PVD), fitoi tre vende parlamentare.
Publiku ka spekuluar për ca kohë se deputetët e kësaj liste mund të mbështesin qeverinë e re, dhe se kjo mbështetje do të kompensohet nga pozita e sekretarit të shtetit në një nga ministritë.
/Nacionali/
No Comment