Intervistë me kryetarin e Shoqatës së Shkrimtarëve “Feniks” Preshevë, Bujanoc dhe Medvegjë), Bilall Maliqi.
Nacionali: Jemi në kohë Pandemie, sa po arrini t’i zhvilloni aktivitetet tuaja?
Bilall Maliqi: Që nga muaji mars, kur edhe u shpall gjendje e jashtëzakonshme nga shteti, Shoqata e Shkrimtarëve “Feniks” (Preshevë, Bujanoc dhe Medvegjë), pati aranzhuar ca orë letrare nëpër shkolla të komunës sonë, por për shkak të Pandemisë Covid 19, i ndërpremë aktivitetet që kanë të bëjnë me organizimet e orëve letrare nëpër shkolla, por jo edhe aktivitetet tjera, të cilat në mënyrë individuale kemi punuar dhe kemi mbajtur takime online me shoqata të tjera simotra që kemi marrëdhënie të shkëlqyeshme si dhe me botime të reja, të cilat kanë rrjedhur nga edicioni i botimeve i “Feniksit”.
Nacionali: Me cilat sfida po përballeni gjatë këtij viti?
Bilall Maliqi: Gjatë vitit kalendarik, ne si shoqatë kulturore e letrare, po përballemi me një armik të përbetuar të gjithë globit, virusit korona, që po na i pamundëson mabjetjen e aktivitetetve që i kemi me plan dhe statut t’i zhvillojmë, por përmes faqes së “Feniksit” në fb., po kryejmë ca aktivitete, të cilat e mbajnë pakashumë gjallë jetën kulturore.
Nacionali: A keni zhvilluar ndonjë aktivitet në këtë gjashtë mujor?
Bilall Maliqi: Po. Në këtë gjashtëmujor kemi zhvilluar aktivitete të ndryshme nga janari deri në mars dhe atë: “Flaka e Janarit 2020, tribunë historike dhe orë letrare; Karvani i Shkrimtarëve i Luginës për vitin 2020, pati filluar nga sh.f. “Prof. Ibrahim Kelmendi” në Preshevë, për të vazhduar edhe në sh. f. “Selami Hallaçi” në Rahovicë dhe katër orët letrare të mbajtura në katër shkollat e komunës së Medvegjës, për “7 Mars” Ditën e Mësuesit.
Këto Manifetime ishin para pandemisë deri në 15 mars. Ndërsa gjatë Pandemisë kemi botuar një libër për fëmijë dhe të njëjtën e kemi përuruar në muajin qershor.
Nacionali: Cilat janë planet organizative për Shoqatën tuaj, për vitit 2020?
Bilall Maliqi: Gjashtëmujorin e dytë të vitit rrjedhës i kemi në plan t’i realizojmë dy manifestime të mëdha. Njëra, “Kultura na bashkon 2020” projekt i fituar nga Ministria e Kulturës dhe e Informimit e R. së Serbisë dhe tjetri projekt nga komuna e Preshevës, projekti titullohet ” Dy nëntorët e lvadisë dhe orë e madhe letrare “Ora e pavarësisë”. Njëri projekt organizohet në muajin tetor, ndërsa tjetri në muajin nëntor të këtij viti.
/Nacionali/
No Comment